मुंबई- बॉलिवूड अभिनेता आणि अभिनेत्री यांचं लग्न बॉलिवूडमधील सगळ्यात जास्त चर्चेत राहिलेल्या लग्नांपैकी एक होतं. अमृताला पाहताच सैफ तिच्या प्रेमात पडला होता. दोघांनी सगळ्यांपासून लपून लग्न केलं होतं. मीडियामध्येही त्यांच्या लग्नाची जोरदार चर्चा रंगली होती. जेवढी चर्चा लग्नाची झाली तेवढीच त्यांच्या घटस्फोटाचीही झाली. साफ- अमृताने वेगळं होण्याचा निर्णय घेतल्याने अनेकांना आश्चर्याचा धक्का बसला होता. परंतु, त्यांच्या लेकीने त्यांच्या घटस्फोटावर काही वेगळीच प्रतिक्रिया दिली होती, जी अनेकांसाठी अनपेक्षित होती. लग्नाच्या वेळेस सैफ फक्त २० वर्षाचा होता तर अमृता ३२ वर्षांची होती. त्यांनी लग्नाच्या १३ वर्षांनंतर घटस्फोट घेतला होता. त्यांनी १९९१ साली लग्नगाठ बांधली होती. त्यानंतर त्यांना सारा आणि इब्राहिम अशी दोन मुलं झाली. २००४ साली त्यांनी घटस्फोट घेतला. साराने एका मुलाखतीत तिच्या आई- वडिलांनी घेतलेल्या घटस्फोटावर तिची प्रतिक्रिया दिली होती. साराने तिच्या आई- वडिलांच्या वेगळं होण्याने आनंदी असल्याचं म्हटलं होतं. तिच्यामते, एकमेकांसोबत राहून सतत भांडण करण्यापेक्षा एकमेकांपासून दूर राहिलेलं कधीही चांगलं. कारण सोबत राहून काहीही फायदा नाहीये. तिने म्हटलं होतं की, तिचे वडील घटस्फोटानंतर जास्त आनंदात होते आणि त्यामुळे ती आणि तिचा भाऊदेखील आनंदात राहू शकत होते. साराने म्हटलं, 'खूप पती- पत्नी अशा समस्येचा सामना करत असतात पण समाजाला घाबरून आणि मुलांसाठी ते एकमेकांपासून वेगळे होत नाहीत आणि त्यामुळे गोष्टी आणखीनच बिघडत जातात. अशा वेळेस आपल्या मनाचं ऐकावं. एकदा तुम्हाला कळालं की तुम्हाला काय करायचं आहे मग तुम्ही आणि तुमची मुलंही एक चांगलं आयुष्य जगू शकता. जीवनातल्या सगळ्या कटू आठवणींना मागे सोडून एक चांगल्या भविष्याकडे वाटचाल करू शकतील.'
from Marathi Bollywood News, Marathi Cinema News https://ift.tt/39Oipui