मुंबई- अमेरिकन अभिनेत्री, गायिका आणि मॉडेल हिने नुकत्याच दिलेल्या मुलाखतीत तिच्यासोबत घडलेल्या एका अविश्वासनीय घटनेचा खुलासा केला. २००४ मध्ये पॅरिसचा बॉयफ्रेण्ड याने त्यांच्यातील एकांतात घालवलेल्या क्षणांचा व्हिडीओ बनवून सोशल मीडियावर पोस्ट केला होता. त्यानंतर त्या सेक्स टेपवरून प्रचंड चर्चा रंगली होती. त्या घटनेबाबत बोलताना आजही खूप भीती वाटत असल्याचं पॅरिसने म्हटलं. पॅरिसच्या म्हणण्यानुसार, तिची परवानगी न घेता ही टेप सोशल मीडियावर लीक केली गेली होती. त्यानंतर तिला खूप मोठा धक्का बसला होता. पॅरिसने नुकत्याच दिलेल्या मुलाखतीत म्हटलं, 'ती संपूर्ण घटना माझ्यासाठी खूप अपमानकारक होती. आजही मला तो दिवस आठवला की अंगावर काटे उभे राहतात. जेव्हा ती घटना घडली होती, तेव्हा लोक तिचा निरनिराळा अर्थ काढत होते. मी सगळ्यांचा विश्वास गमावला होता. मी दिवसरात्र रडत बसायची. मी घरातून बाहेरही पडत नव्हती. मला वाटत होतं जणू माझं आयुष्य संपलं आहे. आजही त्या गोष्टी आठवल्या तर मला त्याचा त्रास होतो.' टेपबद्दल बोलताना पॅरिस म्हणाली,' हा अत्यंत वैयक्तिक अनुभव असतो. तुम्ही त्याला असा सार्वजनिक कसा करू शकता. तुम्ही कुणावर तरी प्रेम करता तर त्याच्यावर पूर्ण विश्वास ठेवता. तुम्ही यासाठी त्याच्यावर प्रेम नाही करत जेणेकरून, पुढे जाऊन तो सगळ्यांसमोर तुमच्या अब्रूचे धिडवडे काढेल. मला सगळ्यात जास्त त्रास तेव्हा होत होता जेव्हा लोकांना वाटायचं की मी हे माझ्या फायद्यासाठी किंवा काही खास उद्देशाने केलं आहे.' २००४ मध्ये टेप लीक केल्यामुळे पॅरिसने तिच्या बॉयफ्रेण्डवर अब्रू नुकसानीचा दावा ठोकला होता. त्यात त्याला एका वर्षाची शिक्षा झाली होती. त्यानंतर २००५ मध्ये दोघांमध्ये वाटाघाटी झाली आणि हे प्रकरण बंद करण्यात आलं होतं.
from Marathi Bollywood News, Marathi Cinema News https://ift.tt/3x9Paw3
