मुंबई: बॉलिवूड अभिनेत्री आणि बॉलिवूडमधील इतर कलाकार यांच्यात मागच्या बऱ्याच काळापासून वाद सुरू आहेत. कंगना आणि तापसी यांच्यात तर नेहमीच सोशल मीडियावर वॉर पाहायला मिळतं. अनेकदा दोघीही एकमेकींवर टीका करताना दिसतात. पण नुकताच तापसीला फिल्म फेअरचा सर्वोत्कृष्ट अभिनेत्रीचा पुरस्कार मिळाला. त्यावेळी तिनं कंगनाला असं काही म्हटलं की, कंगनानंही तिला आपल्या ट्वीटमधून उत्तर दिलं आहे. चित्रपट 'थप्पड'साठी सर्वोत्कृष्ट अभिनेत्रीचा फिल्मफेअर पुरस्कार मिळाल्यानंतर जेव्हा तापसीनं या मंचावर आपले विचार व्यक्त केले त्याचवेळी तिनं या ठिकाणी काही व्यक्तींचे आभार मानले. यामध्ये दीपिका पादुकोण, जान्हवी कपूर, विद्या बालन यांच्यासोबतच कंगना रणौतचं नाव घेत तापसीनं त्यांचे आभार मानले. कारण या पुरस्कारासाठी या अभिनेत्रींना नामांकन मिळालं होतं. तापसीचा या पुरस्कार सोहळ्यातील व्हिडीओ जेव्हा सोशल मीडियावर व्हायरल झाला त्यावेळी कंगनानं ट्वीटरवरून लगेचच तिला उत्तर दिलं आहे. कंगनानं तिच्या ट्वीटमध्ये लिहिलं, धन्यवाद तापसी, विमल इलायची फिल्मफेअर अवॉर्डवर तुझाच हक्क आहे. तुझ्यापेक्षा जास्त हे कोणीच डिझर्व करत नाही. कंगनाचं हे ट्वीट सध्या सोशल मीडियावर खूप व्हायरल होताना दिसत आहे. दरम्यान कंगनाचा आगामी चित्रपट 'थलायवी'च्या प्रदर्शनाला अनियमत काळासाठी स्थगिती देण्यात आली आहे. पण देशातील करोना व्हायरसचं वाढतं संक्रमण पाहता हा चित्रपट येत्या २३ एप्रिलला रिलीज होणार नाही. या चित्रपटाचा ट्रेलर काही दिवसांपूर्वीच रिलीज झाला होता. ज्याला प्रेक्षकांचा उत्तम प्रतिसाद मिळाला होता. एवढंच नाही तर हा ट्रेलर पाहिल्यानंतर बॉलिवूडच्या अनेक मोठ्या स्टार्सनी मला सीक्रेट कॉल केले होते असंही कंगनानं काही दिवसांपूर्वी म्हटलं होतं.
from Marathi Bollywood News, Marathi Cinema News https://ift.tt/2Q9ZL9l