मुंबई: बॉलिवूड अभिनेत्री फेब्रुवारी महिन्यात दुसऱ्यांदा आई झाली. करिना तिच्या दोन्ही प्रेग्नन्सीच्या वेळी सोशल मीडियावर नेहमीच चर्चेत राहिली. या दरम्यान ती सोशल मीडियावरही सक्रिय होती आणि शेवटपर्यंत काम करत होती. दुसऱ्या मुलाच्या जन्मानंतर करिना अवघ्या महिन्याभरातच पुन्हा कामावर परतली आहे. तिनं काही दिवसांपूर्वीच शो 'स्टार वर्सेज फूड' शूटिंग पूर्ण केलं. यावेळी तिनं दुसऱ्या प्रेग्नन्सीच्या वेळी तिला काय काय खावंसं वाटायचं याचा अनुभवही शेअर केला. प्रेग्नन्सीनंतर कामावर परतलेल्या करिनानं नुकतच डिस्कव्हरी शो 'स्टार वर्सेज फूड'चं शूटिंग पूर्ण केलं. ज्यात तिनं तिच्या प्रेग्नन्सीच्या वेळचा अनुभव शेअर केला. आपल्या प्रेग्नन्सीच्या दिवसांतील आठवणींना उजाळा देत करिनानं सांगितलं की, त्या दिवसांत तिला चीज खाण्याची खूप इच्छा होत असे. या शोमध्ये करिनानं सांगितलं की, प्रेग्नन्सीमध्ये तिला नेहमीच पिझ्झा आणि पास्ता खावासा वाटत असे आणि ही अशी इच्छा तिला दोन्ही वेळच्या प्रेग्नन्सीमध्ये व्हायची असंही करिनानं पुढे सांगितलं. करिना कपूरनं सांगितलं की, तिचं कुटुंब म्हणजेच कपूर फॅमिलीमध्ये सर्वच खाद्यप्रेमी आहेत. सर्वांना खाण्यातून सर्वाधिक आनंद मिळतो. करिनाच्या म्हणण्यानुसार त्यांच्याकडे डिनर टेबलवर नेहमीच हे बोललं जातं की, 'कोणी खात आहे. आम्ही सुद्धा खात आहोत, पीत आहोत, हसत आहोत कारण जेवण अशी गोष्ट आहे जी आपण एन्जॉय करायला हवी.' करिना कपूर लवकरच 'स्टार वर्सेज फूड' या शोच्या किचनमध्ये आपलं कौशल्य दाखवताना दिसणार आहे. तिच्यासोबत या शोमध्ये करण जोहर, अर्जुन कपू, प्रतिक गांधी, मलायका अरोरा हे सुद्धा सहभागी झाले आहेत. या शोच्या नुकत्याच रिलीज झालेल्या प्रोमोमध्ये हे सर्वजण किचनमध्ये आपलं टॅलेंट दाखवताना दिसत आहेत.
from Marathi Bollywood News, Marathi Cinema News https://ift.tt/3x7itQ6
