मुंबई: जेनेलिया देशमुख सध्या बॉलिवूडपासून दूर आहे. पण असं असलं तरी सोशल मीडियावरील तिच्या लोकप्रियतेत अजिबात फरक पडलेला नाही. सोशल मीडियावर नेहमीच सक्रिय असणाऱ्या जेनेलियाचा बराच मोठा चाहता वर्ग आहे आणि तिचे व्हिडीओसुद्धा सोशल मीडियावर खूप व्हायरल होताना दिसत असतात. पण नेहमीच धम्माल व्हिडीओ शेअर करणाऱ्या जेनेलियानं आता थोडा वेगळाच व्हिडीओ शेअर केला आहे. ज्यात ती थोडी नाराज असल्याचं दिसत आहे आणि हा व्हिडीओ पाहिल्यानंतर चाहत्यांनी रितेशला प्रश्न विचारायला सुरुवात केली आहे. जेनेलियानं तिच्या इन्स्टाग्रामवर नुकताच एक व्हिडीओ शेअर केला आहे. हा व्हिडीओ शेअर करताना कॅप्शनमध्ये जेनेलियानं लिहिलं, 'कधी कधी तुमच्यासोबतही हे असं घडत असेल ना?' या व्हिडीओमध्ये जेनेलिया चेहऱ्यावर दुःखी भाव ठेवून म्हणते, 'वेडी आहे मी, कारण तू पुन्हा माझ्या मेसेजचं उत्तर आठ तासांनी देणार आणि मी फक्त आठ सेकंदात.' जेनेलियाचा हा व्हिडीओ सध्या सोशल मीडियावर चर्चेचा विषय ठरला आहे. जेनेलियाचा हा व्हिडीओ चाहत्यांच्या पसंतीस उतरला आहे. पण काही असेसुद्धा चाहते आहेत ज्यांना असं वाटतंय की रितेश जेनेलियाला काहीतरी बोलला आहे. ज्यामुळे ती दुःखी आहे. अशा चाहत्यांनी सोशल मीडियावरच रितेशला प्रश्न विचारायला सुरुवात केली आहे. एका युझरनं लिहिलं, 'हे पाहा रितेश बद्दल जेनेलिया आपल्याला अशाप्रकारे सांगत असते.' तर आणखी एका युझरनं लिहिलं, 'रितेश तू जेनेलियासोबत असं का करतोस?' जेनेलिया देशमुख नेहमीच मित्रांसोबतच्या विकेंड पार्टीचे किंवा सोबतचे मजेशीर व्हिडीओ सोशल मीडियावर शेअर करत असते. ज्यावर अनेक चाहत्यांच्या प्रतिक्रियांचा पाऊस पडताना दिसतो आणि अनेकदा हे व्हिडीओ सोशल मीडियावर चर्चेत असतात. जेनेलिया आणि रितेशनं २००३ मध्ये एकत्र 'तुझे मेरी कसम' या चित्रपटातून बॉलिवूड पदार्पण केलं होतं. याच चित्रपटाच्या सेटवर झालेली या दोघांची मैत्री नंतर प्रेमात बदलली आणि २०१२ मध्ये या दोघांनी लग्न केलं. दोघांना रियान आणि राहिल ही दोन मुलं आहेत.
from Marathi Bollywood News, Marathi Cinema News https://ift.tt/3d5bAqo