मुंबई- दाक्षिणात्य सुपरस्टार यांना ५१ व्या दादासाहेब फाळके पुरस्काराने गौरवण्यात येणार असल्याची घोषणा झाली. माहिती आणि प्रसारण मंत्री प्रकाश जावडेकर यांनी याबाबतीत माहिती दिली. भारतीय चित्रपटसृष्टीचा सर्वोच्च पुरस्कार मानला जातो. रजनीकांत मागील पाच दशकांपासून दाक्षिणात्य चित्रपटसृष्टीतच नाही तर बॉलीवूडमध्येही उत्कृष्ट कामगिरी करत आहेत. आशा भोसले, मोहनलाल, विश्वजित चटर्जी, शंकर महादेवन आणि सुभाष घई या पाचजणांच्या निवड समितीने या पुरस्कारासाठी रजनीकांत यांच्या नावाची निवड केली आहे. आज रजनीकांत यांना देवाचं स्थान मिळालं असलं तरी त्यांचा इथपर्यंतचा प्रवास मात्र खूप कठीण होता. रजनीकांत यांचं बालपण अनेक अडचणींनी भरलेलं होतं. त्यांचं मूळ नाव शिवाजीराव गायकवाड आहे. सिनेसृष्टीत आल्यानंतर त्यांनी रजनीकांत हे नाव लावायला सुरुवात केली. रजनीकांत जेव्हा पाच वर्षाचे होते तेव्हा त्यांच्या आईचं निधन झालं. आईच्या मृत्यूनंतर घराची जबाबदारी त्यांच्या खांद्यावर आली. घर चालवण्यासाठी त्यांनी खूप मेहनत केली. प्रसंगी पैसे कमावण्यासाठी त्यांनी हमाल म्हणूनही काम केलं. चित्रपटसृष्टीत येण्याअगोदर ते बस कंडक्टरची नोकरी करत होते. तमिळ चित्रपट 'अपूर्वा रागनगाल' मधून त्यांनी चित्रपटसृष्टीत प्रवेश केला. या चित्रपटात कमल हसन आणि श्रीविद्या देखील होते. रजनीकांत यांनी अभिनयाची सुरुवात कन्नड नाटकातून केली होती. दुर्योधनाच्या भूमिकेतून ते घरोघरी पोहोचले होते. अनेक नकारात्मक भूमिका साकारल्यानंतर एसपी मुथुरमन यांच्या 'ओरु केल्विकुरी' या चित्रपटात त्यांना नायकाची भूमिका साकारायला मिळाली. त्यानंतर प्रेक्षकांमध्ये त्यांच्याबद्दलचं प्रेम वाढतच गेलं. प्रेक्षक त्यांची देव म्हणून पूजा करू लागले. त्यांचे चित्रपट सकाळी साडेतीन वाजल्यापासून प्रदर्शित केले जायचे. यानंतर रजनीकांत यांना राज बहादूर या मित्राने मद्रास फिल्म इन्स्टिटयूटमध्ये दाखल होण्यासाठी सांगितलं होतं. मित्राच्या मदतीमुळे ते आज इथपर्यंत पोहोचू शकले आहेत. १९८३ साली रजनीकांत यांनी बॉलिवूडमध्ये काम करायला सुरुवात केली. त्यांचा पहिला चित्रपट 'अंधा कानून' प्रेक्षकांना पसंत पडला होता. त्यानंतर त्यांनी कधीही मागे वळून पाहिलं नाही. आज रजनीकांत दाक्षिणात्य चित्रपटसृष्टीचे सगळ्यात मोठे सुपरस्टार मानले जातात. बॉलिवूडमध्येही त्यांच्या चाहत्यांची संख्या लाखोंच्या घरात आहे.
from Marathi Bollywood News, Marathi Cinema News https://ift.tt/3ubIDP9
