मुंबई: देशात सध्या करोना व्हायरसचं संक्रमण दिवसेंदिवस वाढत आहे. करोनाच्या या दुसऱ्या लाटेत अनेक लोकांनी आपले प्राण गमावले आहेत. पण वाढत्या रुग्णसंख्येमुळे देशात ऑक्सिजन सिलेंडरचा तुडवडा, बेड न मिळणं अशा समस्यांना समोरं जावं लागत आहे. देशातील डॉक्टर्स आणि सरकार लोकांच्या मदतीचे प्रयत्न करत आहे. अशात भारताला अशाप्रकारे संकटात असल्याचं पाहल्यानंतर पाकिस्तानी क्रिकेटर शोएब अख्तरनं ट्विटरवरून त्याच्या चाहत्याना भारतीयांना मदत करा असं आवाहन केलं होतं. सध्या भारतातील करोनाची परिस्थिती पाहता पाकिस्तानचा क्रिकेटपटब शोएब अख्तरनं त्याच्या चाहत्यांना भारतीयांची मदत करण्याचं आवाहन केलं त्यानं ट्वीटरवर एक व्हिडीओ शेअर केला आहे. व्हिडीओ शेअर करताना त्यानं लिहिलं, 'भारत सध्या मोठ्या संकटात आहे आणि त्यांना जागतिक पाठींब्याची गरज आहे. ही एक महामारी आहे आणि यावेळी आपल्या सर्वांनाच एकत्र येऊन लढण्याची गरज आहे आणि सर्वांची मदत करण्याची गरज आहे.' शोएबच्या व्हिडीओवर अभिनेत्री स्वरा भास्करनं आपली प्रतिक्रिया दिली होती. स्वरा भास्करनं शोएब अख्तरचं कौतुक केलं होतं. तिनं आपल्या ट्वीटमध्ये लिहिलं, 'शोएबजी धन्यवाद. तुमच्या एवढ्या प्रेमळ शब्दांसाठी आणि माणूसकी म्हणून तुम्ही जे करत आहात त्याचं कौतुक जेवढं करू तेवढं कमीच आहे.' स्वरा भास्करनं त्यानंतर आणखी एक ट्वीट केलं आहे ज्यात तिनं लिहिलं, 'या कठीण काळात पाकिस्तानी सिव्हिल सोसायटी सोशल मीडियाच्या माध्यमातून भारताला पाठिंबा असल्याचं पाहून आनंद वाटला. असं असतानाही मीडिया आणि काही लोक सातत्यानं पाकिस्तानी लोकांवर टीका करत आहेत. मनाच्या मोठेपणासाठी धन्यवाद शेजारी.' आता स्वरा भास्करच्या याच ट्वीटमुळे तिला सोशल मीडियावर ट्रोल केलं जात आहे. अनेकांनी कमेंटमध्ये तिला बरंच सुनावलं आहे. एवढंच नाही तर अनेकांनी तिला पाकिस्तानात जाण्याचा सल्लाही दिला आहे. स्वराच्या प्रोफेशनल लाइफ बद्दल बोलायचं तर ती काही दिवसांपूर्वीच रिलीज झालेल्या 'भाग बीनी भाग' या नेटफ्लिक्सवर रिलीज झालेल्या वेब सीरीजमध्ये दिसली होती. या वेब सीरिजला चांगला प्रतिसाद मिळाला होता. याशिवाय लवकरच 'जहां चार यार'मध्ये शिखा तल्सानिया, मेहर विज आणि पूजा चोप्रा यांच्यासोबत आणि 'शीर कोरमा'मध्ये दिव्या दत्तासोबत दिसणार आहे.
from Marathi Bollywood News, Marathi Cinema News https://ift.tt/3tUb58u
