मुंबई : इंडियन प्रीमिअर लीग अर्थात आयपीलएच्या मौसमाला आजपासून सुरुवात होत आहे. स्पर्धेला सुरुवात होण्याआधीच दिल्ली कॅपिटल टीमला आणि त्यांच्या चाहत्यांना एक मोठा धक्का बसला. कारण या टीमचा कॅप्टन हा जायबंदी झाला असून त्याच्या खांद्यावर शस्त्रक्रिया झाली आहे. या टीमची धुरा सध्या ऋषभ पंत याच्याकडे सोपवली आहे. मात्र दिल्ली संघाला श्रेयसी उणीव जाणवणार हे नक्की श्रेयसच्या खांद्यावर गुरुवारी ऑपरेशन झाले आहे. ऑपरेशननंतर आपली प्रकृती ठीक असून लवकरच मैदानात खेळण्यासाठी उतरू असा विश्वास व्यक्त करणारी पोस्ट श्रेयसने सोशल मीडियावर शेअर केली. या पोस्टसोबत श्रेयसने हॉस्पिटलमधील त्याचा फोटोही पोस्ट केला आहे. श्रेयसने हा फोटो पोस्ट केल्यावर त्याच्या चाहत्यांनी लवकर बरा हो अशा शुभेच्छा दिल्या आहेत. अनेक सेलिब्रिटींनीही त्याला सदिच्छा दिल्या आहेत. यामध्ये सेलिब्रिटी हेअर स्टायलिस्ट आलिम हकमीने देखील कमेंट केली आहे. त्याने लिहिले की, श्रेयस तू फायटर आहेस, त्यामुळे लवकर बरा होशील या तुला सदिच्छा. त्याचप्रमाणे टीव्ही अभिनेत्री करिश्मा तन्ना हिने तर तुला नेमके काय झाले आहे, असा प्रश्न श्रेयसला विचारला. गेल्या महिन्यात इंग्लंडविरुद्ध झालेल्या एकदिवसीय सामन्यांच्या मालिकेदरम्यान श्रेयसला दुखापत झाली होती. दुखापतीमुळे श्रेयसला २०२१ या स्पर्धेला काही दिवस तरी मुकावे लागणार आहे. या पार्श्वभूमीवर श्रेयसने ऑपरेशन झाल्यानंतरचा फोटो आपल्या चाहत्यांसाठी पोस्ट करत तब्येत उत्तम असून लवकरच खेळण्यासाठी मैदानात येऊ, तुम्हां सर्वांच्या शुभेच्छा, सदिच्छांसाठी आभार असे लिहिले आहे. श्रेयस अय्यरला इंग्लंडविरुद्ध २३ मार्चला पुण्यात झालेल्या एकदिवसीय सामान्यमध्ये जॉनी बेयरस्टॉ याने फटकावलेला चेंडू अडवताना जायबंदी झाला. तेव्हा त्याचा खांद्या दुखावला गेला होता. त्यानंतर इंग्लंड विरोधातील एकही सामान्यात तो खेळू शकला नव्हता आणि आता आयपीएलमधूनही त्याला बाहेर पडावे लागले आहे. सध्या त्याला चार महिन्यांची विश्रांती घेण्यास सांगितले आहे.
from Marathi Bollywood News, Marathi Cinema News https://ift.tt/3mzCNV7