मुंबई- भारतीय क्रिकेटपटू युजवेंद्र चहलने डिसेंबर २०२० साली डान्सर धनश्री वर्मासोबत लग्नगाठ बांधली. ते दोघेही सोशल मीडियावर त्यांचे निरनिराळे फोटो शेअर करत असतात. त्यांच्या लग्नाचे फोटो सोशल मीडियावर प्रचंड वायरल झाले होते. चाहत्यांनी त्यांच्यावर शुभेच्छांचा वर्षाव केला होता. आता लवकरचं आयपीएल सुरू होतेय. त्यापूर्वी युजवेंद्र आपल्या पत्नीसोबत वेळ घालवताना दिसतोय. धनश्रीदेखील सोशल मीडियावर प्रचंड सक्रिय असते. ती तिचे डान्स व्हिडीओ चाहत्यांसोबत शेअर करत असते. नुकताच धनश्रीने चाहत्यांसोबत एक व्हिडीओ शेअर केला आहे. त्यात युजवेंद्र आपल्या पत्नीला नाचताना पाहून स्वतःही उड्या मारताना दिसतोय. धनश्रीने शेअर केलेल्या या व्हिडिओमध्ये सुरुवातीला ती स्वतः नृत्य करत उद्या मारताना दिसते. त्यानंतर पत्नीला पाहून युजवेंद्र देखील उद्या मारू लागतो. त्यावर धनश्री त्याला विचारते, 'तू उड्या का मारतोयस?' त्यावर तो तिलाच प्रतीप्रश्न करत तू उड्या का मारतेयस, असं विचारतो. त्यानंतर धनश्री त्याला सांगते 'मी माझ्या सगळ्या उड्या दान करतेय. कारण आदित्य बिर्ला हेल्थ इन्शुरन्स आपल्या प्रत्येकी १० हजार उड्यांमागे अपंग मुलाला एक यांत्रिक पाय भेट देणार आहेत.' त्यावर युजवेंद्रदेखील मीसुद्धा याच कारणामुळे उड्या मारतोय असं म्हणतो. त्यानंतर ते दोघेही त्यांच्या सगळ्या चाहत्यांना या मोहिमेत भाग घेण्यास सांगतात. या व्हिडिओला धनश्रीने डान्सर प्रमाणे उडी मारा नाहीतर क्रिकेटरच्या स्टाइलने मारा.. पण फक्त उड्या मारा! कारण तुम्ही उडी माराल तेव्हा एक व्यक्ती पुन्हा चालू शकेल, असं कॅप्शन दिलं आहे. धनश्री स्वतः एक डॉक्टर आहे. तिला नृत्याची देखील आवड आहे. नुकताच धनश्रीचा जस्सी गिलसोबत 'ओये होये होये' गाणं प्रदर्शित झालं आहे. धनश्री सोशल मीडियावर प्रचंड लोकप्रिय आहे.
from Marathi Bollywood News, Marathi Cinema News https://ift.tt/3dTczJD