मुंबई : मॉडेल आणि अभिनेता मिलिंद सोमण हा फिटनेसबाबत कमालीचा सजग आहे. मिलिंद त्याच्या सोशल मीडियवर सातत्याने त्याच्या वर्कआऊटचे, फिटनेसचे, धावण्याचे फोटो, व्हिडीओज शेअर करत असतो आणि आपल्या चाहत्यांना सल्लेही देत असतो. अनेक वर्षांत फिटनेसबाबत त्याने कधीच ब्रेक घेतला नाही. परंतु अलिकडे झालेल्या करोनामुळे त्याच्या या रुटीनलाकाहीसा ब्रेक लागला होता. परंतु आता करोनामधून बरे झाल्यानंतर आता तो पुन्हा एकदा त्याच्या फिटनेसकडे लक्ष देताना दिसत आहे. धावणे हा मिलिंद सोमणचा श्वास आहे. त्यामुळेच करोनातून पूर्ण बरे झाल्यानंतर मिलिंदने धावण्याचा व्यायाम केला. धावतानाचा हा व्हिडीओ त्याने सोशल मीडियावर पोस्ट केला आहे. हा व्हिडीओ पोस्ट करत त्याने लिहिले की, 'किमान ४० मिनिटांमध्ये आज मी ५ किलोमीटर धावलो... धावल्यानंतर आता मला खूप छान वाटत आहे. रस्त्यांवरून धावताना मनाला जे समाधान मिळते ते शब्दांत मांडणे शक्य नाही. कोविड १९ झाल्यानंतर खूप दिवस मी कोविडबद्दल ऐकत आहे. त्यामुळेच सुरुवातीला मी सगळ्या गोष्टी हळूहळू करणार आहे. दर दहा दिवसांनी फुफ्फुसांची कार्यक्षमता तपासणार आहे आणि रक्ताचीही तपासणी करणार आहे...' मिलिंद त्याच्या पोस्टमध्ये पुढे लिहितो, 'मला माहिती आहे की कोविड १९ हा आजार आहे. परंतु गेल्या २५ वर्षांत मला साधा फ्लू देखील झाला नाही. कोविड काळात आलेला बारीक ताप आणि थकवा ही लक्षणे माझ्यासाठी नेहमीची नव्हती. आता मला विश्वास आहे की यापुढे आपण सर्वचजण आरोग्याबाबत सजग होणार आहोत. आपले आरोग्य आणि फिटनेस चांगला राखणे प्रत्येकासाठी आवश्यक आहे. चांगले आरोग्य म्हणजे रोगापासून मुक्त होणे नाही आणि फिटनेस म्हणजे सिक्स पॅक अथवा बायसेप्स नाही. तर मनाला शांतता मिळणे आणि शरीर सक्रीय राहणे म्हणजे चांगले आरोग्य राखणे आणि फिटनेस राखणे आहे.' दरम्यान मनोरंजन सृष्टीतील अनेक कलाकारांना करोनाची लागण झाली आहे, यामध्ये आलिय भट्ट, आमिर खान, आर. माधवन, मनोज बाजपेयी, सिद्धांत चतुर्वेदी, तारा सुतारिया, अक्षय कुमार, विकी कौशल, कतरीना कैफ यांसह अनेकांचा समावेश आहे.
from Marathi Bollywood News, Marathi Cinema News https://ift.tt/3myYAwm
