मुंबई: मुकेश अंबानी आणि नीता अंबानी यांचा मुलगा आकाश अंबानीचं लग्न २०१९मध्ये श्लोका मेहताशी झालं. त्यांच्या लग्नातील एक जुना व्हिडीओ सध्या सोशल मीडियावर खूप व्हायरल होताना दिसत आहे. ज्यात सर्वांच्या नजरा शाहरुख खानवर येऊन थांबताना दिसत आहेत. या व्हिडीओवरून सध्या सोशल मीडियावर शाहरुख खानला ट्रोल केलं जात आहे. रिलायन्स इंडस्ट्रीचे चेअरमन मुकेश अंबानी यांचा मुलगा आकाश आणि श्लोका यांचं लग्न हे देशातील सर्वात महागडं लग्न मानलं जातं. देश विदेशातल्या पाहुण्यांनी या लग्नाला हजेरी लावली होती. तसेच या लग्नात बॉलिवूड सेलिब्रेटींनाही आमंत्रित करण्यात आलं होतं. अशात आता सोशल मीडियावर या लग्नातील आणि आकाशचा एका जुना व्हिडीओ सोशल मीडियावर व्हायरल होत आहे. ज्यामुळे शाहरुख खान चर्चेत आला आहे. आकाश आणि श्लोकाच्या लग्नाचे बरेच फोटो त्यावेळी सोशल मीडियावर व्हायरल झाले होते. अनेक व्हिडीओ देखील व्हायरल झाले होते. ज्यात बॉलिवूड सेलिब्रेटी धम्माल डान्स करताना दिसले होते. पण लग्नाच्या वरातीतील व्हिडीओमध्ये असं काही दिसलं जे पाहिल्यावर शाहरुखचे चाहते खूपच हैराण झाले आहे. एवढंच नाही तर हा व्हिडीओ पाहिल्यावर सर्वांनाच शाहरुखची दया येत आहे. सोशल मीडियावर व्हायरल झालेल्या या व्हिडीओमध्ये सर्वच ढोल ताशांच्या गजरात नाचताना दिसत आहे. या दरम्यान आकाश त्याची आई नीता अंबानी यांना डान्स करण्यासाठी घेऊन येतो आणि तिथे उभ्या असलेल्या शाहरुखशी काहीतरी बोलताना दिसत आहे. ज्यानंतर शाहरुख बाजूला जाऊन उभा राहतो आणि आकाश आपल्या फॅमिलीसोबत डान्स करू लागतो. शाहरुखच्या या व्हिडीओवर युझर्स वेगवेगळ्या कमेंट करताना दिसत आहेत. काहींनी लिहिलं, 'असा अपमान करायलाच शाहरुखला बोलावलं होतं.' तर एक युझरनं लिहिलं, शाहरख सुद्धा विचित्र आहे, 'वानखेडेवर एका गार्डवर जोरात ओरडला आणि ज्याठिकाणी आपली ताकद दाखवायला हवी त्या ठिकाणी बाजूला जाऊन उभा राहिला आहे.' अन्य एका युझरनं लिहिलं, 'जेव्हा हिरो होतो झीरो' अर्थात शाहरुखच्या काही चाहत्यांनी मात्र या व्हिडीओमध्ये जे दिसतंय ते चुकीचं असल्याचं म्हटलं आहे. एका युझरनं लिहिलं, 'आकाशनं शाहरुखला बाजूला यासाठी केलं की, त्याची आई तिथे उभ्या असलेल्या गौरी खानसोबत डान्स करू शकेल. '
from Marathi Bollywood News, Marathi Cinema News https://ift.tt/3tFXmC5
