मुंबई- '' चित्रपटातून बॉलिवूडमध्ये पदार्पण करणारी अभिनेत्री सोशल मीडियावर चर्चेत आहे. ती हिंदी चित्रपटसृष्टीत स्वतःला सिद्ध करतेय. बॉलिवूडमध्ये ती स्वतःचं स्थान निर्माण करण्याचा प्रयत्न करतेय. परंतु, दिगांगनाचा एक व्हिडीओ सोशल मीडियावर चांगलाच वायरल झाला आहे. अनेकदा प्राणी आणि पक्ष्यांच्या सोबत फोटो काढणं कलाकारांना भलतंच महागात पडतं. तसंच काहीतरी दिगांगना सोबतही झालं आहे. व्हिडिओमध्ये दिगांगना एका मोराच्या सोबत उभी आहे आणि तो मोर तिच्यावर हल्ला करताना दिसतोय. इन्स्टाग्राम अकाउंटवर शेअर करण्यात आलेल्या या व्हिडीओमध्ये दिगांगनाने निळ्या रंगाचा सलवार कुर्ता परिधान केला आहे. ती थोडा वेळ मोराच्या सोबत उभी असते. ती मोराच्या सोबत उभी राहायलादेखील घाबरलेली दिसतेय आणि काही लोक तिचे फोटो काढत आहेत. परंतु, काही वेळातच मोराला दिगांगनापासून धोका वाटल्याने तोच तिच्यावर हल्ला करताना दिसतो. यात दिगांगनाच्या डाव्या हाताला जखम झाली आहे. तिच्या या व्हिडिओवर निरनिराळ्या प्रतिक्रिया येत आहेत. काही युझर्स तिला पक्ष्यांसोबत चुकीचं वागण्यासाठी दोष देत आहेत. तर काही युझर्स ती सुरक्षित आहे का, याची विचारपूस करत आहे. चाहत्यांनी निरनिराळ्या प्रतिक्रिया दिल्यानंतर स्वतः दिगांगनाने तिच्या व्हिडिओवर प्रतिक्रिया दिली आहे. तिने म्हटलं, 'देवा शपथ, माझ्या आईने मला हे पटवून दिलं आहे की तो मोर तुला मिठी मारायला आला होता.' दिगांगनाचा हा अंदाज चाहत्यांना अतिशय आवडला आहे. व्हिडिओमध्ये त्या घटनेनंतर दिगांगनादेखील हसताना दिसत आहे. हा व्हिडीओ सोशल मीडियावर पुन्हा पुन्हा पाहिला जात आहे. दिगांगनाने 'बिग बॉस ९' मध्ये सहभाग घेतला होता. त्यानंतर तिने 'जलेबी' चित्रपटात काम केलं आहे.
from Marathi Bollywood News, Marathi Cinema News https://ift.tt/3dQBCwK