मुंबई- बॉलिवूडचे कलाकार असु दे किंवा छोट्या पडद्यावरचे कलाकार प्रत्येकाला कधी ना कधी युझर्सच्या ट्रोलिंगला सामोरं जावंच लागतं. अगदी छोट्या छोट्या गोष्टींवरूनही चाहते त्यांना ट्रोल करताना दिसतात. परंतु, हद्द तर तेव्हा होते जेव्हा सोशल मीडियाच्या माध्यमातून कलाकारांना अर्वाच्च भाषेत शिव्या घातल्या जातात. '' मधील स्पर्धक पवित्रा पुनियाने याच गोष्टीवर ट्रोलर्सना सुनावलं आहे. सोशल मीडियावर एक व्हिडीओ पोस्ट करत तिने आपली बाजू मांडत कलाकार सोशल मीडियावर ट्रोलर्सच्या शिव्या खाण्यासाठी नसतात, असं म्हटलं आहे. पवित्राने तिच्या इन्स्टाग्राम अकाउंटवर एक छोटासा व्हिडीओ शेअर केला आहे. ज्यात ती ट्रोलर्सना सुनावते आहे. त्यांना परिस्थितीची जाणीव करून देत ती म्हणते, 'नाही म्हणजे आमच्या आयुष्यात किंवा कुणाच्याही आयुष्यात काय चाललंय, कोण कोणत्या परिस्थितीत आहे, लोकांना काय त्रास आहेत, काय अडचणी आहेत, समोरच्याचं काय दुःख आहे, कोणाला काही फरक पडत नाही. फक्त यायचं आणि सरळ शिव्या देऊन निघून जायचं. आम्ही ट्विटरवर तुमच्या शिव्या ऐकण्यासाठी बसलोय का? कोणीही येतं आम्हाला शिव्या देऊन जात. काय आहे हे?' अशा शब्दात पवित्राने ट्रोलर्सचा खरपूस समाचार घेतला आहे. कलाकारांच्या आयुष्यात काय सुरु आहे याच्याशी ट्रोलर्सना घेणं देणं नसल्याने ते फक्त शिव्या देऊन निघून जातात, असं पवित्राचं म्हणणं आहे. पवित्राचा हा अंदाज तिच्या चाहत्यांना प्रचंड आवडला. ट्रोलर्सना सुनावल्याबद्दल त्यांनी तिचं कौतुक केलं आहे. पवित्रा 'बिग बॉस १४' ची स्पर्धक असतानादेखील तिच्या खेळामुळे सोशल मीडियावर चर्चेत असायची. ती सध्या 'बिग बॉस १४' चा स्पर्धक असलेला एजाज खान याच्यासोबत रिलेशनमध्ये आहे. ते दोघेही एकमेकांना डेट करत आहेत. एजाज आणि तिच्या नात्यावरून बोलणाऱ्यांना देखील तिने याच पद्धतीने सुनावलं होतं. त्यावेळेसही तिने ट्रोलर्सची बोलती बंद केली होती.
from Marathi Bollywood News, Marathi Cinema News https://ift.tt/3mU0SGI
