मुंबई: हॉलिवूड चित्रपट सीरिज 'फास्ट अँड फ्यूरिअस'ला जगभरातून खूप लोकप्रियता मिळाली. या सीरिजचा प्रेक्षकवर्ग जगभरात आहे. नुकताच ''चा दुसरा ट्रेलर प्रेक्षकांच्या भेटीला आला आहे. ज्यासाठी ही सीरिज प्रसिद्ध आहे ते सर्वच या ट्रेलरमध्ये पाहायला मिळत आहे. ३.५९ मिनिटांच्या या ट्रेलरमध्ये धमाकेदार फाइट सीन, वेगवान कार आणि दमदार स्टंटचा थरार पाहायला मिळत आहे. या चित्रपटात स्वतःच्या भावाशीच टक्कर देताना दिसणार आहे. विनच्या भावाची भूमिका साकारत आहे. 'फास्ट अँड फ्यूरिअस ९'चं दिग्दर्शन जस्टिन लिननं केलं असून या आधी जस्टिननं या सीरिजच्या ३, ४, ५ आणि ६ या पार्टचंही दिग्दर्शन केलं आहे. चित्रपटाच्या ट्रेलरला प्रेक्षकांचा खूप चांगला प्रतिसाद मिळताना दिसत आहे. 'फास्ट अँड फ्यूरिअस ९'ची कथा नेहमी पेक्षा थोडी वेगळी पण खास असणार आहे. त्यामुळेच या ट्रेलरची सध्या सोशल मीडियावर जोरदार चर्चा सुरू आहे. एकीकडे जॉन सीननं या चित्रपटात आपली भूमिका दमदारपणे साकारली आहे तर चार्लीज थेरॉन पुन्हा एकदा सायबर दहशतवाद्याच्या भूमिकेत दिसणार आहे. 'फास्ट अँन्ड फ्यूरियस'च्या या चित्रपटात टायरीज गिब्सन, क्रिस ब्रिगेज, सुंग कांग, चार्लीज थेरॉन, हेलन मिरेन, जॉर्डाना ब्रूस्टर, नॅटली इमॅन्युअल आणि जॉन सीना एवढी मोठी स्टार कास्ट आहे. अगोदर हा चित्रपट २०२० मध्ये रिलीज होणार होता. मात्र करोना व्हायरसमुळे या चित्रपटाची रिलीज डेट पुढे ढकलण्यात आली. आता हा चित्रपट येत्या ८ जुलैला रिलीज होणार आहे.
from Marathi Bollywood News, Marathi Cinema News https://ift.tt/3mSww7d
