मुंबई: करोना व्हायरसच्या दुसऱ्या लाटेनं संपूर्ण देशभरात थैमान घातलं आहे. यापासून वाचण्यासाठी लोक शक्य तो प्रत्येक उपाय करताना दिसत आहेत. याशिवाय सरकारकडूनही या व्हायरसला रोखण्यासाठी आवश्यक ते प्रयत्न केले जात आहेत. सामान्य जनतेसोबतच या व्हायरसमुळे मनोरंजन जगतालाही मोठा फटका बसला आहे. पण असं असतानाही देशात यंदा आयपीएलचं आयोजन करण्यात आलं आहे. देशात करोनाच्या रुग्णांची संख्या वाढत असतानाच दुसरीकडे आयपीएल सुद्धा सुरू आहे. यावर आता टीव्हीची ड्रामा क्वीन म्हणून ओळखली जाणाऱ्या राखी सावंतनं आपली प्रतिक्रिया दिली आहे. बिग बॉस १४ फेम नेहमीच कोणत्याही विषयावर मजेदार कमेंट करताना दिसते. पण देशातील करोना व्हायरसची स्थिती पाहता आयपीएलबाबत कोणतीही मजेदार प्रतिक्रिया न देता यावेळी राखीनं खूपच तिखट शब्दात प्रतिक्रिया दिली आहे. मुंबईच्या वानखेडे स्टेडियममध्ये खेळवल्या जाणाऱ्या सामन्यांवर राखीनं नाराजी व्यक्त केली आहे. राखीला विचारण्यात आलं की, सध्या सुरू असलेल्या आयपीएलला ती फॉलो करतेय की नाही. यावर उत्तर देताना नाराजी दर्शवत राखी म्हणाली, 'व्वा, मुंबईत करोना व्हायरसमुळे लोक मरत आहेत. आमचं आयुष्य खराब होत आहे आणि इथे हे लोक आयपीएल खेळत आहेत. आम्ही लपून-छपून गाड्यांमधून जात आहोत आणि हे इथे आयपीएल खेळत आहेत. व्वा.' राखी पुढे म्हणाली, 'तुम्हाला खरं सांगू का मुंबईमध्ये लोक नाहीत लॉकडाऊन आहे. जसं लॉकडाऊन सुरू झालं तसे सर्वजण सुट्ट्या एन्जॉय करण्यासाठी निघून गेले आहेत. सर्वजण एन्जॉय करत आहेत. मालदीवला जात आहेत आणि तिथे जाऊन सगळा करोना पाण्यात वाहून येणार आहेत.' नेहमीच विनोदी प्रतिक्रिया देणाऱ्या राखीची प्रतिक्रिया काहीशी तिखट शब्दात आहे. ज्याची सोशल मीडियावर खूपच चर्चा आहे.
from Marathi Bollywood News, Marathi Cinema News https://ift.tt/3uYjuYB
