मुंबई: सध्या महाराष्ट्रात विशेषतः मुंबईमध्ये करोना व्हायरसचं संक्रमण मोठ्या प्रमाणावर वाढताना दिसत आहे. सामान्य जनतेसोबत अनेक बॉलिवूड कलाकारांना करोनाची लागण झाली आहे. त्यानंतर आता अभिनेता नील नितीन मुकेशच्या संपूर्ण कुटुंबाला करोनाची लागण झाली आहे. ज्यात त्याच्या २ वर्षांच्या मुलीचाही समावेश आहे. नीलनं त्याच्या सोशल मीडिया अकाउंटवरुन याची माहिती दिली. त्यानंतर एका वेबसाइटशी बोलाताना त्यानं संपूर्ण कुटुंबात केवळ आपली आईच ठीक असल्याची माहिती दिली आहे. नील नितीन मुकेशनं त्याच्या इन्स्टाग्रामवर १७ एप्रिलला एका पोस्ट शेअर करत सर्वांना काळजी घेण्याचं आवहन करतानाच त्याच्या कुटुंबातील सर्वांनाच करोनाची लागण झाल्याची माहिती दिली होती. त्यानंतर 'स्पॉटबॉय-ई'शी बोलताना तो म्हणाला, 'ही वेळ माझ्यासाठी किती कठीण आहे याचा अंदाज तुम्ही नक्कीच लावू शकता. कारण माझी दोन वर्षांची मुलगी नूर्वीला सुद्धा करोनाची लागण झाली आहे. पण सुदैवानं ती गंभीर नाही. पहिल्या दोन दिवसांत तिला ताप आला होता आणि त्यामुळे आम्ही सर्वांनी करोना टेस्ट करून घेतली ज्यात माझे वडील, भाऊ नमन, पत्नी रुक्मिणी आणि नूर्वी सर्वांचेच रिपोर्ट पॉझिटिव्ह आले आहेत. फक्त आईचे करोना रिपोर्ट निगेटिव्ह आले आहेत.' नील पुढे म्हणला, 'सर्वात वाईट गोष्ट ही आहे की, यासाठी कोणताही हार्ड आणि फास्ट नियम नाही. प्रत्येक व्यक्तीला या व्हायरसची लागण वेगवेगळ्या पद्धतीनं होत आहे. आतापर्यंत आमच्यापैकी कोणालाच गंभीर स्वरुपाची लक्षण आढळलेली नाहीत. त्यामुळे सर्वांनी आमच्यासाठी प्रार्थना करा. बाबांचं वय ७० वर्ष आहे आणि त्यांनाही सुक्ष्म लक्षण आहेत तर भाऊ नमनला कोणत्याही प्रकारची प्राथमिक लक्षण आढळलेली नाहीत.' इन्स्टाग्राम लिंक- नीलच्या म्हणण्यानुसार या व्हायरसला लवकरात लवकर नष्ट करण्याची गरज आहे. सर्वांनीच स्वतःची व्यवस्थित काळजी घेण्याची गरज आहे. त्यानं म्हटलं, 'सर्वांनी कृपया सरकारच्या नियमांचं पालन कर, जेवढं शक्य असेल तेवढं घरी राहा आणि कृपया माझ्या कुटुंबासाठी प्रार्थना करा.'
from Marathi Bollywood News, Marathi Cinema News https://ift.tt/3xfCBzA
