मुंबई- छोट्या पडद्यावरील गाजलेली मालिका ' मधील सर्व पात्र प्रेक्षकांची अत्यंत आवडती आहेत. या मालिकेतील बबीताचं पात्र साकारणारी अभिनेत्री प्रेक्षकांच्या घराघरात पोहोचली आहे. तिच्या सौंदर्याने तिने अनेकांना भुरळ पडली आहे. परंतु, तिला देखील तिच्या आयुष्यात अनेक किळसवाण्या घटनेचा सामना करावा लागला आहे. या गोष्टींचा खुलासा तिने २०१७ साली सुरू झालेल्या चळवळीदरम्यान केला होता. पुन्हा एकदा मुनमुनची पोस्ट सोशल मीडियावर वायरल होत आहे. मुनमुनने तिच्या इन्स्टाग्राम अकाउंटवर पोस्ट करत लहानपणापासून तिच्यासोबत झालेल्या अत्याचारावर भाष्य केलं होतं. मुनमुनने लिहिलं, 'हो मी सुद्धा #Me Too, अशा प्रकारे अनेक महिलांचं या विषयावर भाष्य करणं या समस्येच्या गंभीरतेची जाणीव करून देतं. मला अशा पुरुषांची संख्या पाहून आश्चर्य वाटतंय ज्यांना महिलांचे हे आरोप ऐकून धक्का बसलाय. नाही इतकं आश्चर्य वाटून घेऊ नका. तुमच्या घरात, तुमची बहीण, आई, पत्नी इतकच नाही तर कामवाल्या बाईसोबतही हे झालेलं असू शकतं. त्यांना एकदा विश्वासात घेऊन विचारा, त्यांची उत्तरं कदाचित तुम्हाला हैराण करतील. मी तर त्या वाईट आठवणींना लिहीतानादेखील रडतेय कारण मला खूप त्रास होतोय. ते आठवणं जेव्हा मी छोटी होती आणि माझ्या शेजारचे काका मला वाट्टेल तिथे स्पर्श करायचे. कुणाला न सांगण्याबद्दल धमकावायचे. मी त्यांना खूप घाबरायची किंवा ते काका ज्यांनी मला माझ्या जन्माच्या वेळेस पाहिलं होतं आणि १३ वर्षानंतर मला पाहिल्यावर त्यांना वाटलं की माझं शरीर हात लावण्या योग्य झालं आहे.' पुढे मुनमुनने लिहिलं, 'कोणाकोणाबद्दल सांगू, तो ट्यूशन टीचर ज्याचा हात माझ्या अंतवस्त्रांच्या आत होता किंवा तो दुसरा शिक्षक ज्याला मी राखी बांधायचे. तो ट्यूशनमधील इतर मुलींच्या ब्राचे पट्टे ओढायचा. त्यांच्या छातीवर हात मारायचा. तो व्यक्ती जो तुम्हाला ट्रेनमध्ये पकडतो... का? कारण तुम्ही तरुण आहात आणि बोलायला घाबरता. तुम्हाला माहितीये काहीतरी चुकीचं होतंय पण तुमचा आवाज गळ्यातच अडकलाय. तुम्हाला माहीत नाहीये की घरातल्यांना कसं सांगायचं. इथूनच तुम्हाला सगळ्या पुरुष जातीचा राग यायला सुरुवात होते. अशी घाणेरडी भावना येते ज्यातून सावरायला तुम्हाला अनेक वर्ष लागतात.' मुनमुनने पोस्टच्या शेवटी लिहिलं होतं की, 'आज मी त्या पुरुषांना मारून टाकेन जो माझ्यासोबत असं काही करण्याचा प्रयत्न करतील. मी जी काही आहे मला त्यावर गर्व आहे.'
from Marathi Bollywood News, Marathi Cinema News https://ift.tt/39Dmxxl