मुंबई ः देशामध्ये पुन्हा एकदा करोनाचा उद्रेक झाला आहे. या करोनाच्या उद्रेकामुळे काही कठोर निर्बंध सरकारने नुकतेच जारी केले आहेत. आता पुन्हा एकदा काही निर्बंध मनोरंजन विश्वावर आल्याने चिंतेचे वातावरण पसरले आहे. त्यातच गेल्या काही दिवसांपासून सातत्याने कलाकारांनाही करोनाची लागण होत असल्याच्या बातम्या येऊ लागल्याने ही चिंता अधिकच वाढली आहे. करोना झालेल्या कलाकारांची संख्या दिवसागणिक वाढत चालली असून आता यामध्ये अभिनेत्री हिचाही समावेश झाला आहे. भूमी पेडणेकर हिने करोनाची लागण झाल्याची माहिती देणारी पोस्ट सोशल मीडियावर शेअर केली आहे. त्यामध्ये भूमीने केवळ तिला करोनाची लागण झाल्याचे सांगितले आहे, मात्र त्याबाबत अधिक कोणीतीही माहिती दिलेली नाही. या पोस्टसोबत तिने नमस्काराचा एमोजी पोस्ट केला आहे. भूमीने ही पोस्ट केल्यानंतर तिच्या चाहत्यांनी लवकर बरे होण्यासाठी शुभेच्छा दिल्या आहेत. भूमी पेडणेकरचे सिनेमे दरम्यान, भूमी पेडणेकर सध्या हर्षवर्धन कुलकर्णी दिग्दर्शित 'बधाई दो' या सिनेमात काम करत आहे. या सिनेमात तिच्यासोबत राजकुमार राव असून हा सिनेमा ९ सप्टेंबर २०२१ रोजी प्रदर्शित होणार आहे. हा 'बधाई हो' या सिनेमाचा सिक्वेल आहे. याशिवाय भूमी करण जोहरची निर्मिती आणि दिग्दर्शन असेलल्या 'ताकद' या सिनेमातही दिसणार आहे. या सिनेमात रणवीर सिंग आणि करीना कपूर असणार आहेत. हा सिनेमा २४ डिसेंबर २०२१ मध्ये प्रदर्शित होणार आहे. विकी कौशललाही करोना आपल्या अभिनय कौशल्याने स्वतःचे वेगळे स्थान निर्माण करणारा अभिनेता विकी कौशल याला ही करोनाची लागण झाली आहे. खुद्द विकीने त्याच्या इ्न्स्टाग्राम अकाऊंटवरून करोनाची लागण झाल्याची बातमी शेअर केली आहे. विकी कौशलने आपल्या पोस्टमध्ये लिहिले आहे की, ' सर्वप्रकारची काळजी घेऊनही दुर्दैवाने मला करोनाची लागण झाली आहे. डॉक्टरांनी दिलेली औषधे घेतली असून मी घरातच क्वारंटाईन आहे. गेल्या काही दिवसांत माझ्या संपर्कात आलेल्या सर्व लोकांनी करोना चाचणी करून घ्यावी... सगळ्यांनी आपापली काळजी घ्यावी... आणि सुरक्षीत रहावे...' विकी कौशलकडे सध्या अनेक मोठ्या बॅनरचे सिनेमे आहेत. त्यामध्ये मेघना गुलजार दिग्दर्शित फिल्ड मार्शल सॅम माणकेशा यांच्या बायोपिकचाही समावेश आहे. या सिनेमात विकी सॅम माणकेशा यांची भूमिका साकारत आहे. अलिकडेच या सिनेमाच्या नावाची घोषणा झाली होती. याही कलाकारांना झाला करोना दरम्यान, याआधी अक्षय कुमार, गोविंदा, रणबीर कपूर, आलिया भट्ट, संजय लीला भन्साली, आमिर खान, सतीश कौशिक, आर. माधवन यांसारख्या अनेक कलाकारांना करोनाची लागण झाली आहे.
from Marathi Bollywood News, Marathi Cinema News https://ift.tt/3sRtkuV