मुंबई- भारतात कोणत्याही आई - वडिलांसाठी मुलगी जन्माला येणं म्हणजे सौभाग्याची गोष्ट मानली जाते. मुलीच्या जन्माने घराला घरपण येतं. परंतु, काही ठिकाणी मुलगी म्हणजे आई- वडिलांवरील ओझं मानलं जातं. तिच्यावर खर्च करणं, तिला शिकवणं हे सगळं वायफळ मानलं जातं. आता प्रत्येक क्षेत्रात मुली मुलांची बरोबरी करत आहेत. जेवढं महत्व मुलांना दिलं जातं तितकंच महत्व आता मुलींनाही मिळत आहे. नुकताच 'डान्स दिवाने' या कार्यक्रमात अभिनेत्री माधुरी दीक्षितने तिला मुलगी नसल्याबद्दल दुःख व्यक्त केलं आहे. तिला दोन्ही मुलं असल्याने मुलगी नसल्याची खंत तिने सगळ्यांसमोर व्यक्त केली. माधुरीचा हा व्हिडीओ सोशल मीडियावर व्हायरल होत आहे. ट्विटरवर '' च्या सेटवरील एक व्हिडीओ वायरल होत आहे. ज्यात माधुरी एका स्पर्धकाचं कौतुक करत आहे. त्यावेळेस ती त्या स्पर्धकाच्या आईसोबतही बोलताना दिसतेय. माधुरी म्हणते, 'वा! काय बॉण्ड असतो जेव्हा तुम्हाला एक मुलगी असते. मुलीसोबत एक वेगळीच नाळ जोडलेली असते. मला तर दोन मुलं आहेत. एक वेगळंच नातं असतं आईचं आपल्या मुलीसोबत. मला मुलगे असल्याने मुलीसोबतची ती मजा मी खूप मिस करतेय. तुम्ही तुमच्या मुलीसोबत खूप काही बोलू शकता. अशा खूप गोष्टी असतात ज्या फक्त तुमच्यात आणि तुमच्या मुलींमध्ये असतात. त्या खूप बडबड्यादेखील असतात. त्या आपल्यात मिसळतात. तुम्ही त्यांच्यात एकरूप होऊन जाता. मुलं थोडीशी वेगळी असतात.' माधुरीच्या बोलण्यातून तिचं मुलगी नसण्याचं दुःख कळून येतं. तिच्या चेहऱ्यावरून ती भावुक झाल्यासारखी दिसते. माधुरी सोशल मीडियावर प्रचंड सक्रिय असते. ती तिचे आणि कुटुंबासोबतचे फोटो चाहत्यांसोबत शेअर करत असते. माधुरीला अरिन आणि रियान अशी दोन मुलं आहेत. त्यांच्यासोबतचे माधुरीचे संबंध अत्यंत घनिष्ठ आहेत. ती स्वतः तिच्या मुलांना नृत्य शिकवते. याआधी माधुरी 'संजय दत्तसोबत 'कलंक' चित्रपटात झळकली होती.
from Marathi Bollywood News, Marathi Cinema News https://ift.tt/3ujZfV0