मुंबई: आणि तिचा नवरा नेहमीच सोशल मीडियावर विनोदी व्हिडीओ शेअर करताना दिसतात. आताही राज कुंद्रानं शिल्पासोबतचा असा एक व्हिडीओ सोशल मीडियावर शेअर केला आहे की, तो पाहिल्यानंतर कोणालाच हसू आवरणार नाही. शिल्पा आणि राजचा हा व्हिडीओ सध्या सोशल मीडियावर खूप व्हायरल होत आहे. मुंबईमध्ये करोनाचं वाढतं संक्रमण पाहता पुन्हा एकदा लॉकडाऊनची परिस्थिती उद्भवलेली दिसत आहे. अशात राज कुंद्रान एक मजेदार व्हिडीओ शेअर करत सर्वांनाच मागच्या वर्षीच्या लॉकडाऊनची आठवण करून दिली आहे. हा व्हिडीओ शेअर करताना राज कुंद्रानं लिहिलं, 'पुन्हा लॉकडाऊन सुरू झालं आहे. त्यामुळे पुन्हा एकदा वर्क फ्रॉम होम. देवा आमची मदत कर.' तसेच या व्हिडीओसोबत राजनं एक महत्त्वाची नोट सुद्धा लिहिली आहे. ज्यात त्यानं लिहिलं, 'लक्षात ठेवा बायकोचं म्हणणं नेहमीच बरोबर असतं' या व्हिडीओमध्ये शिल्पा शेट्टी झाडू मारताना दिसत आहे. तर राज खुर्चीवर बसून त्याच्या मोबाईल चेक करत आहे. त्याला असं बसलेलं पाहून शिल्पा म्हणते, 'ए जानू चल झाडू मार' शिल्पाच्या बोलण्यावर राज असं करण्यास नकार देतो. त्यावर पुन्हा एकदा शिल्पा त्याला म्हणते, 'मी म्हटलं झाडू मार' त्यावर राज पुन्हा नकार देतो. यानंतर झालेला त्यांच्या या भांडणाचा शेवट खूपच मजेदार आहे. शिल्पाचं ऐकून राज झाडू तर मारतो पण कुठे हे तुम्ही स्वतःच पाहा. राज कुंद्रा आणि शिल्पा शेट्टीचा हा व्हिडीओ सध्या सोशल मीडियावर खूप व्हायरल होताना दिसत आहे. हे दोघंही सोशल मीडियावर खूप सक्रिय असून इन्स्टाग्रामवरुन नेहमीच चाहत्यांचं मनोरंजन करताना दिसतात. शिल्पाचे मजेदार व्हिडीओ अनेकदा सोशल मीडियावर व्हायरल होत असतात.
from Marathi Bollywood News, Marathi Cinema News https://ift.tt/3rZeQbf