मुंबई: बॉलिवूडचा किंग अर्थात अभिनेता अशा अभिनेत्यांपैकी एक आहे. ज्यानं स्वतःच्या अभिनय कौशल्याच्या जोरावर बॉलिवूडमध्ये स्वतःचं वेगळं स्थान निर्माण केलं आणि ते टिकवूनही ठेवलं. सोशल मीडियावर शाहरुखचा खूप मोठा चाहता वर्ग आहे. २९ वर्षांपूर्वी 'दिल आशना है' या चित्रपटातून बॉलिवूड पदार्पण करणाऱ्या या अभिनेत्यानं आजपर्यंत अनेक हिट चित्रपट दिले आहेत. ज्यामुळे त्याला बॉलिवूडचा बादशाह म्हटलं जाऊ लागलं पण सोबतच्या त्याबद्दल अनेक अफवाही उठल्या होत्या. प्रियांका चोप्राशी अफेअर ते अगदी शाहरुख बायसेक्शुअल असल्याचंही बोललं गेलं. पण खास गोष्ट ही होती की, शाहरुखनं सफाईदारपणे या सर्व अफवांना पूर्णविराम दिला. शाहरुख खाननं १९९१ मध्ये गर्लफ्रेंड गौरी खानशी लग्न केलं. या दोघांना सुहाना, आर्यन आणि अबराम अशी तीन मुलं सुद्धा आहेत. मुंबईमधील त्यांचा बंगला 'मन्नत' कोणत्याही राज महालापेक्षा कमी नाही. पण एवढं यश मिळवणाऱ्या शाहरुखवर एक वेळ अशीही आली होती की, तो बायसेक्शुअल असल्याचं बोललं जात होतं. म्हणजे त्याला महिला आणि पुरुष दोन्हीमध्ये रुची आहे. दरम्यान ई-टाइम्सशी बोलताना शाहरुख खाननं या सर्व चर्चाना पूर्ण विराम दिला होता. जेव्हा एका मुलाखतीत शाहरुखला या चर्चाबद्दल प्रश्न विचारण्यात आला होता. त्यावर शाहरुखनं या सर्व चर्चा केवळ अफवा असल्याचं म्हटलं होतं. तो म्हणाला, 'या सर्व निव्वळ अफवा आहेत. मला पुरुषांमध्ये रुची नाही, किंवा कोणत्याही दुसऱ्या महिला मला आवडत नाहीत. मी माझ्या पत्नीवर खूप प्रेम करतो आणि तिच्यासोबत खूश आहे.' शाखरुखनं या मुलाखतीत लोकप्रिय टीव्ही शो 'सेक्‍स इन द सिटी'चा एक डायलॉगप्रमाणे हसत उत्तर दिलं होतं. तो म्हणाला होता, 'मी ट्राय सेक्शुअल (Try-Sexual) आहे. मला ती प्रत्येक सेक्शुअल गोष्ट ट्राय करायला आवडते. अरे नाही हे कृपया प्रसिद्ध करू नका मी मस्करी करत आहे. हे काढून टाका.' शाहरुखच्या वर्कफ्रंट बद्दल बोलायचं तर तो २०१८ मध्ये शेवटचा आनंद एल राय यांच्या 'झीरो' चित्रपटात दिसला होता. या चित्रपटात त्याच्यासोबत अभिनेत्री अनुष्का शर्मा आणि कतरिना कैफ यांच्या मुख्य भूमिका होत्या. आता लवकरच शाहरुख खान पठाण चित्रपटातून प्रेक्षकांच्या भेटीला येणार आहे. या चित्रपटात त्याच्यासोबत अभिनेत्री दीपिका पदुकोण स्क्रिन शेअर करणार आहे.
from Marathi Bollywood News, Marathi Cinema News https://ift.tt/33kD8lW
