मुंबई : अभिनेत्री आणि यांच्यात गेल्या काही दिवसांपासून सुरू असलेला वाद अधिकच चिघळला आहे. हा वाद आता कोर्टात गेला आहे. करोनाच्या संकटकाळामध्ये श्वेता आमच्या मुलाला हॉटेलमध्ये एकट्याला सोडून 'खतरों के खिलाडी ११' कार्यक्रमासाठी दक्षिण आफ्रिकेला निघून गेल्याचा आरोप अभिनवने केला. सध्याच्या या बिकट परिस्थितीमध्ये आमच्या मुलाला पालकांची गरज आहे. त्यामुळे त्याचा ताबा मिळावा, यासाठी अभिनवने मुंबई हायकोर्टात अर्ज केला आहे. अभिनवने ई- टाइम्स वाहिनीला दिलेल्या मुलाखतीमध्ये सांगितले की, 'करोनाचे संकट असताना श्वेता रेयांशला हॉटेलमध्ये एकट्याला ठेवून केपटाऊनला निघून गेली. अशा परिस्थितीमध्ये रेयांशचा ताबा मिळावा, यासाठी मुंबई हायकोर्टात अर्ज सादर केला आहे. या अर्जावर ११ मे रोजी पहिली सुनावणी झाली. त्यावेळी कोर्टाने मला आणि श्वेताला सविस्तर अर्ज सादर करण्यास सांगितले आहे. त्यासाठी आम्हाला एका आठवड्याचा अवधी दिला आहे.' अभिनव पुढे म्हणाला, ‘या गोष्टीसाठी मी इतके दिवस झगडतो आहे. कोर्टाने तरी माझी बाजू ऐकून घेतली, त्याबद्दल त्यांचे मनापासून आभार मानतो.' श्वेताने अभिनववर केलेत आरोप श्वेता खतरों के खिलाडी कार्यक्रमासाठी जाताना मुलाला एकटे सोडल्याचा आरोप अभिनवने केला होता. तसेच आणखीही काही आरोपही त्याने यावेळी केले. अभिनवच्या या आरोपांवर श्वेताने तो बेजबाबदार बाप आहे, मुलाच्या संगोपनासाठी एकही पैसा देत नसल्याचा आरोप केला होता. हा आरोप करताना श्वेताने तिच्या सोसायटीच्या सीसीटीव्ही व्हिडीओचे फूटेज इन्स्टाग्रामवर शेअर केले होते. या व्हिडीओमध्ये रेयांशला स्वतः जवळ ठेवण्यावरून दोघांमध्ये झटापट झाल्याचे दिसले होते. हा व्हिडीओ शेअर करत श्वेताने अभिनव मुलाला धमकावत असल्याचा गंभीर आरोप केला होता. श्वेताने हा व्हिडीओ आणि आरोप केल्यानंतर काही वेळानंतर अभिनवने देखील एक तासाचा व्हिडीओ इन्स्टाग्रामवर शेअर करत स्वतःची बाजू मांडली होती. त्या व्हिडीओमध्ये रेयांशबरोबर तो खेळताना दिसत आहे. तसेच मला पप्पांकडे जायचे असल्याचे रेयांश म्हणत असताना दिसत आहे. वृत्तवाहिनीच्या मुलाखतीमध्ये श्वेताने शेअर केलेल्या व्हिडीओबद्दल अभिनवला विचारले असता तो म्हणाला, 'श्वेताने जो व्हिडीओ इन्स्टाग्रामवर शेअर केला तो मी नीट पाहिलाच नाही. त्याआधीच त्याच्यावरून माझ्यावर आरोप करून मला खलनायक ठरवण्यात आले. योग्य वेळी मी माझी बाजू सोशल मीडियावर मांडली. मी जे काही सांगितले होते ते मनापासून आणि खरे सांगितले. माझ्यासोबत जे जे झाले ते सर्व काही मी लोकांपुढे मांडले. मी देखील बाप आहे आणि मला माझ्या मुलासोबत रहायचे आहे. मी काही खलनायक नाही, हेच मला सांगायचे आहे.' श्वेताने लोकांना फसवले अभिनव कोहलीने या मुलाखतीमध्ये पुढे सांगितले, 'श्वेताने जे फुटेज सोशल मीडियावर शेअर करत मला खलनायक ठरवले आहे. तसेच लोकांनाही फसवले आहे. लोकांना सत्य काय आहे ते कळायला हवे आणि माझ्यासोबत काय घडले हे समोर यायला हवे असे मला वाटते. कित्येक महिने श्वेताने मुलापासून मला दूर ठेवले. परंतु त्याआधी जेव्हा मी रेयांशला भेटलो होतो. तेव्ह तो आनंदी होता. मला सोडून जायला नाखुष असायचा. मात्र श्वेता सगळ्यांना सांगते की माझ्यामुळे रेयांशला मानसिक धक्का बसला आहे. श्वेता का खोटे बोलत आहे, हे मला माहीत नाही. भांडायचे असेल तर खरेपणाने भांड... खोटेपणा का करते' असा सवाल अभिनवने विचारला आहे. तो पुढे म्हणाला, 'या नंतरही श्वेताने खोटेपणा केला तर अशाच पद्धतीने तिचा खोटेपणा उघड करून स्वतःची बाजू मी मांडणार आहे. मला दुःख एकाच गोष्टीचे आहे की मी आणि माझा मुलगा एकाच शहरात आहोत, तरी देखील मी त्याच्यासोबत राहू शकत नाही.'
from Marathi Bollywood News, Marathi Cinema News https://ift.tt/3tMwfES
