मुंबई- बॉलिवूड अभिनेत्री चाहत्यांमध्ये प्रचंड लोकप्रिय आहे. ती सोशल मीडियावरही भरपूर सक्रिय असते. अभिनेत्रीचे सोशल मीडियावर लाखो फॉलोवर्स आहेत. साराचे चाहते तिच्या वैयक्तिक आयुष्याबद्दल जाणून घेण्यास नेहमीच उत्सुक असतात. चित्रपटात काम करताना साराचं नाव अनेक अभिनेत्यांसोबत जोडलं गेलं. परंतु, साराला विचारल्या गेलेल्या एका प्रश्नाच्या उत्तरावर तिने जे म्हटलं त्याने अनेकांना आश्चर्याचा धक्का दिला होता. काही दिवसांपूर्वी साराने एका चॅट शोमध्ये हजेरी लावली होती. या कार्यक्रमात साराला तिच्या लव्ह लाइफबद्दल अनेक प्रश्न विचारण्यात आले. त्याची साराने बिनधास्त उत्तरं दिली. साराला विचारण्यात आलं की, आजपर्यंत साराचं नाव अनेक अभिनेत्यांसोबत जोडलं गेलं. कधी एखाद्या अभिनेत्याने तिच्यासोबत फ्लर्ट केलं का या प्रश्नाचं उत्तर देताना सारा म्हणाली की, 'यार, कधी कुणी माझ्याशी फ्लर्टच केलं नाही. मला आतापर्यंत जे सह कलाकार मिळाले (सुशांतसिंह राजपूत- केदारनाथ, रणवीर सिंग- सिम्बा, कार्तिक आर्यन- लव्ह आजकल आणि वरुण धवन- कुली नं १) त्यांच्यासोबत माझं एका कलाकारासारखं नातं होतं. त्यानंतर साराला तिने कधी कुणासोबत वन नाइट स्टॅण्ड केलं का असा प्रश्न विचारण्यात आला. यावर अभिनेत्रीने दिलेलं उत्तर ऐकण्यासारखं होतं. सारा म्हणाली, 'वन नाइट स्टॅण्ड.. नाही, कधीच नाही. हा पण मी हे सांगू इच्छिते की मला अनेकदा डेटसाठी विचारणा करण्यात आली होती. पण मी एक युक्ती करायची. मी त्यांना हो म्हणायची आणि डेटवरच जायचे नाही. मी अनेकदा समोरच्याला हो म्हणून त्याला इतकं घाबरवलं की डेटवर जाण्याची वेळ आली नाही. फक्त सगळ्या गप्पाच होत होत्या. प्रत्यक्षात काही घडलं नाही.' दरम्यान, सुशांतच्या जवळच्या लोकांच्या म्हणण्यानुसार सारा आणि सुशांत खूप जवळ होते आणि सारा अनेकदा सुशांतच्या पावना लेक येथील फार्महाउसवर सुट्टीला जायची. सुशांतच्या मृत्यूनंतर समोर आलेल्या ड्रग्ज प्रकरणात साराला नारकोटिक्स कंट्रोल ब्युरोने चौकशीसाठी बोलावले होते.
from Marathi Bollywood News, Marathi Cinema News https://ift.tt/33FJgWf
