मुंबई : हॉलिवूडमधील प्रसिद्ध अभिनेत्री एलेन पेजने लिंगबदल शस्त्रक्रिया केली आहे. शस्त्रक्रियेनंतर तिने आपले नाव बदलून एलट असे केले आहे. ही शस्त्रक्रिया केल्यानंतर पहिल्यांदाच सोशल मीडियावर फोटो शेअर केले आहेत. यामध्ये एलटने त्याचे सिक्स अॅब्स दाखवले आहेत. गेल्या वर्षी म्हणजे २०२० मध्ये एलनने सोशल मीडियावर एक पोस्ट करून आपल्या चाहत्यांना या संदर्भात माहिती दिली होती. एलनने घेतेल्या निर्णयाने तिच्या चाहत्यांना मोठा धक्का बसला होता. शस्त्रक्रिया झाल्यानंतर आता पहिल्यांदाच एलटने स्वत:चा एक शर्टलेस फोटो शेअर केला आहे. ओपेरा विन्फ्रेच्या मुलाखतीच्या कार्यक्रमात एलटने सांगितले होते की, ती टीनएजमध्ये असताना तिच्या शरीरामध्ये जे बदल होत होते त्यामुळे ती अस्वस्थ होती. त्याकाळात ती एखाद्या टॉमबॉय प्रमाणे रहात होती. हॉलिवूड सिनेमांमध्ये तिने काम करायला सुरुवात केली. तिला अभिनेत्री म्हणून खूप लोकप्रियता मिळाली परंतु व्यक्तिगत आयुष्यामध्ये ती खूप मानसिक पातळीवर त्रस्त होती. या मुलाखतीमध्ये तिने सांगितले की, ' २००७ मध्ये मी जुनो सिनेमाच्या प्रमोशनसाठी ऑस्करच्या रेड कार्पेटवर ड्रेस परिधान करून आले होती. परंतु त्यावेळचे स्वतःचे फोटो मी पाहू शकले नाही. त्यानंतर काही वर्षांनी इंसेप्शन सिनेमाच्या प्रीमियरवेळी मी मुलीचा ड्रेस घातला होता. परंतु त्यामुळे मला पॅनिक अॅटेक आला होता. पार्टीनंतर मला खूप घुसमटल्यासारखे झाले होते. मुलींचे टिपीकल ड्रेस घातल्यावर मला खूपच कसे तरी व्हायचे. लिंगबदलाच्या ऑपरेशन नंतर मी स्वतःला नव्याने गवसले गेले. जेव्हा मी तरुण होते तेव्हा मानसिक पातळीवर माझा खूप मोठा संघर्षाला सामोरे गेले होते. त्यामुळे ट्रान्सजेंडर व्यक्तींच्या भावना, त्यांचा संघर्ष मी समजून घेऊ शकले आणि त्यांना माझे कायम समर्थन असणार आहे.' दरम्यान, २०१४ मध्ये तिने ती लेस्बियन असल्याचे जाहीर केले होते. तिने डान्सर एम्मा पोर्टरबरोबर २०१८ मध्ये लग्नही केले होते. परंतु २०२१ मध्ये त्यांनी घटस्फोटासाठी अर्ज केला आहे. तर २०२० मध्ये तिने इन्स्टाग्रामवर ट्रान्सजेंडर असून लिंगबदलाचे ऑपरेशन करणार असल्याचे जाहीर केले होते. त्यावर तिला विविध प्रकारच्या प्रतिक्रियांना सामोरे जावे लागले होते.
from Marathi Bollywood News, Marathi Cinema News https://ift.tt/3vy6r0I
