मुंबई : बिग बॉस १४ मुळे प्रकाश झोतात आलला गायक सोशल मीडियावर खूपच सक्रीय असतो. आपले फोटो, व्हिडीओ यांच्या माध्यमातून तो चाहत्यांशी सातत्याने संवाद साधत असतो. तसेच त्याची प्रेयसी दिशाबरोबरचे फोटो आणि त्यांच्या रिलेशनबद्दलही तो सतत अपडेट देत असतो. त्यामुळेच सोशल मीडियावर राहुलचा मोठा चाहता वर्ग आहे. असं असलं तरी सध्या मात्र राहुल त्याचे फेसबुक अकाउंट हॅक झाल्यामुळे चर्चेत आला आहे. इन्स्टाग्रामवरून दिली माहिती फेसबुक अकाउंट हॅक झाल्याची माहिती राहुलने इन्स्टाग्राम अकाउंटवरून दिली. त्याने याबाबत लिहिले की, 'माझे फेसबुक अकाउंट हॅक झाले आहे. त्यावरून काही व्हिडिओ, फोटो शेअर झाले आहेत, त्याकडे दुर्लक्ष करा. मी हे अकाउंट रिकव्हर करण्याचा प्रयत्न करत आहे.' ही माहिती राहुलने इन्स्टाग्राम आणि ट्विटर अकाउंटवरून दिली आहे. या पोस्टवर चाहतेही प्रतिक्रिया देत आहेत. एका युझरने लिहिले की, ' बिग बॉसच्या स्पर्धकांसोबतच असे का होते. आधी रुबीना आता राहुल...' तर दुसऱ्या युझरने लिहिले की, 'तू तक्रार दाखल कर.' खतरोंके खिलाडी ११ मध्ये सहभागराहुल वैद्य लवकरच खतरों के खिलाडी या रिअॅलिटी शोमध्ये झळकणार आहे. राहुलचे गाणे ‘मधानिया’ रिलीज झाले असून त्याच्या चाहत्यांनी या गाण्याला भरभरून पसंती दिली आहे. या गाण्यात राहुलसोबतच त्याची गर्लफ्रेण्ड दिशा दिसत असून त्यांची जोडी खूपच सुंदर दिसत आहे. दिशाकडून मिळाले हे गिफ्ट दरम्यान, राहुल वैद्यला त्याची प्रेयसी हिच्याकडून एक गिफ्ट मिळाले आहे. दिशाने राहुलला एक घड्याळ गिफ्ट दिले आहे. त्याची किंमत सुमारे ७१ हजार रुपये इतकी आहे. राहुलने इन्स्टाग्राम स्टोरीवर त्याचा व्हिडीओ शेअर केला होता.
from Marathi Bollywood News, Marathi Cinema News https://ift.tt/33ojsxG
