मुंबई- बॉलिवूड अभिनेत्री सोशल मीडियावर प्रचंड चर्चेत आहे. पण ती तिच्या चित्रपटांमुळे नाही तर तिच्या आक्षेपार्ह ट्वीटमुळे चर्चेत आहे. पश्चिम बंगाल राज्यात पार पडलेल्या मतदानात जनतेने आपला कौल भारतीय जनता पक्षाला न देता तृणमूल काँग्रेस पक्षाच्या यांना दिला. कंगना बीजेपी पक्षाची आणि पंतप्रधान मोदींची समर्थक आहे हे आता जगजाहीर आहे. त्यामुळे ममता यांच्या विजयावर संतापलेली कंगना ट्वीटद्वारे सतत बंगालच्या जनतेला त्यांची चूक दाखवून देण्याचा प्रयत्न करत आहे. त्याचप्रमाणे बंगालमध्ये होणाऱ्या हिंसाचारासाठी कंगना ममता यांना जबाबदार धरत आहे. नुकतंच कंगनाने ट्वीट करत ममता यांना रक्त पिणाऱ्या ताडका राक्षसीची उपमा दिली. पश्चिम बंगाल राज्यात ममता यांच्या पक्षाचा विजय झाल्यानंतर झालेल्या हिंसाचारावर संतापलेल्या कंगनाने पुन्हा एकदा ट्वीट करत ममता यांच्यावर निशाणा साधला. कंगनाने लिहिलं, 'मी चुकीची होते. त्या रावण नाहीत. रावण तर महान राजा होता, त्याने दुनियेतील सगळ्यात जास्त श्रीमंत देश बनवला होता. तो एक महान राजा होता, विद्वान होता, वीणा वाजवणारा परिपूर्ण राजा होता. पण ही तर रक्तासाठी आसुसलेली ताडका राक्षसी आहे. ज्या लोकांनी त्यांना मत दिली त्यांचे हात देखील रक्ताने माखलेले आहेत.' अशा शब्दात तिने तिचा राग व्यक्त केला. परंतु, तिच्या या ट्वीटवर नेटकऱ्यांनी कंगनाला चांगलंच फैलावर घेतलं. काहींनी म्हटलं की,तिच्या डोक्यावर परिणाम झाला आहे. तर काहींनी तिला थोडाफार अभ्यास करून यायला सांगितलं. एका युझरने म्हटलं, 'तू १२ वी नापास आहेस. ट्वीट करण्यापूर्वी थोडा फार अभ्यास करून येत जा. तर दुसऱ्या युझरने म्हटलं, 'बीजेपी हरलं म्हणून तुला एवढा राग येतोय ना?,' आणखी एका युझरने लिहिलं, 'तू दुसऱ्यांना जितके जास्त बोल लावशील तितकीच तुझी आणि तुझ्या देवाची मोदीजींची किंमत कमी होईल. त्यामुळे काही दिवसांसाठी तुझं तोंड बंद करून घरी बस. पण ते देखील तुला जमणार नाही. प्रयत्न करून बघ.'
from Marathi Bollywood News, Marathi Cinema News https://ift.tt/3h0lk7C
