मुंबई : छोट्या पडद्यावरील लोकप्रिय असलेला '' शो लवकरच प्रेक्षकांच्या भेटीला येणार आहे. या कार्यक्रमात सहभागी होणाऱ्या स्पर्धकांचे रजिस्ट्रेशन आणि त्यांची निवड प्रक्रिया संपूर्णपणे डिजीटल पद्धतीने केली जात आहे. कार्यक्रमासाठी रजिस्ट्रेशन १० मे रात्री ९ वाजल्यापासूनच सुरू झाले आहे. गुरुवारी रात्री यांनी या कार्यक्रमाच्या नोंदणीसाठीचा चौथा प्रश्न विचारला आहे. हा प्रश्न विचारण्याआधी त्यांनी प्रेक्षकांचे मनोबल उंचावण्यासाठी काही गोष्टी आवर्जून सांगितल्या. ते म्हणाले, 'गल्ली क्रिकेटमध्ये खेळणारा एखादा खेळाडू भारतीय क्रिकेट संघात खेळाताना आपण पाहिला आहे. एखाद्या रिक्षावाल्याची मुलगी आयएएस अधिकारी झालेली आपण पाहतो. तर कुणी एक पाय असूनही एव्हरेस्ट सर केल्याची बातमी आपण वाचतो. आपण सर्वजण आपल्या आयुष्यामध्ये खूप सारी स्वप्न बघत असतो. फक्त ती स्वप्न आणि त्यांची पूर्तता हे दोन टोक प्रयत्नांच्या पूलाने ती जोडली जाऊ शकतात. चला तर मग तुम्ही देखील हा प्रयत्न करू बघा... या प्रश्नाचं उत्तर देऊन.' च्या रजिस्ट्रेशनसाठी चौथा प्रश्न असा होता प्रश्न- सुएज कालव्यामुळे कोणते दोन समुद्र जोडले गेले आहेत? पर्याय- कॅस्पियन समुद्र आणि काळा समुद्र, लाल समुद्र आणि भूमध्य सागर, एड्रियाटिक समुद्र आणि लाल समुद्र , उत्तर समुद्र आणि तिर्‍हेनियन समुद्र या प्रश्नाचे अचूक उत्तर आहे लाल समुद्र आणि भूमध्य समुद्र. या प्रश्नाचे उत्तर प्रेक्षकांना सोनी लिव अॅप अथवा त्यांच्या वेबसाइटवर जाऊन द्यायचे आहे. त्यासोबत तुमचे वय, संपर्कासाठी मोबाइल क्रमांक आणि पत्ताही नोंदवायचा आहे. तसेच एसएमएस करूनही या प्रश्नाचे उत्तर देता येणार आहे. त्यासाठी फोनवर KBC असे लिहून योग्य पर्याय लिहून हे उत्तर ५०९०९३ या क्रमांकावर पाठवायचे आहे. कौन बनेगा करोडपती हा कार्यक्रम जनसामान्यांमध्ये खूपच लोकप्रिय आहे. दरवर्षी हा कार्यक्रम कधी सुरू होतो याची उत्सुकता प्रेक्षकांना असते. कारण या कार्यक्रमात सहभागी होऊन नशीब बदलण्याची संधी त्यांना मिळणार असते. गेल्यावर्षी करोना संकटकाळतही हा कार्यक्रम प्रसारित करण्यात आला होता. त्यासाठी आवश्यक ती सर्व खबरदारी घेण्यात आली होती.
from Marathi Bollywood News, Marathi Cinema News https://ift.tt/3uZIfE8
