मुंबई- बॉलिवूड अभिनेत्री सोशल मीडियावर प्रचंड सक्रिय असते. मलायका तिचे निरनिराळे फोटो चाहत्यांसोबत शेअर करत असते. या फोटोंमध्ये अनेकदा तिच्या घराची झलकही दिसते. २०१६ साली अरबाज खानला घटस्फोट दिल्यानंतर मलायकाने हे घर विकत घेतलं होतं. या घरात मलायका तिच्या मुलासोबत राहते. मलायकाने हे घर अगदी तिच्या स्वप्नातल्या घराप्रमाणे सजवलं आहे. प्रत्येक सणाला ती घराची सजावट करत असते. आज तिच्या या घरातले काही अनसीन फोटो पाहू.. मलायकाचं घर मुंबईतील वांद्रे परिसरात आहे. मलायकाने घराच्या सजावटीत कोणतीही कमी ठेवलेली नाही. मलायकाचं घर फार मोठं नाही. परंतु, तिने सजवलेल्या पद्धतीमुळे घरातील जागा मोठी असल्याचं जाणवतं. मलायकाला पांढऱ्या रंगाची आवड असल्याने संपूर्ण बेडरूम पांढऱ्या रंगाने रंगवण्यात आला आहे. पांढऱ्या रंगाच्या बेडसह त्याच रंगाचा सोफादेखील आपल्याला घरात पाहायला मिळतो. अभिनेत्रीच्या घरात बहुतांश भिंतींना आरसे लावण्यात आले आहेत. ज्यामुळे घरातील जागा आणखी मोठी वाटते. सोबतच घराच्या सौंदर्यातही भर पडते. अनेक महागड्या वस्तुंनी मलायकाचं घर सजलेलं आहे. तिचं किचनदेखील छोटं आहे पण किचनमधल्या प्रत्येक वस्तूची मांडणी मलायकाने अत्यंत उत्कृष्ट पद्धतीने केली आहे. मलायका तिच्या मुलासाठी स्वतः जेवण बनवते. आपल्या या सुंदर घरात मलायका अनेकदा इतर कलाकारांसोबत मजा मस्ती करताना दिसते. अनेकदा ती त्यांना डिनरसाठीही बोलवते. मलायकाला घराच्या बाल्कनीमध्ये वेळ घालवायला खूप जास्त आवडतं. तिला वाचनाची आवड असल्याने घरातील एक कोपरा तिने पुस्तकांसाठी राखून ठेवला आहे. मलायका अनेकदा तिच्या मुलासोबत आणि कुत्र्यासोबत वेळ घालवताना दिसते. बाल्कनीमध्ये उभं राहून फोटोसाठी पोज देणं तर मलायकाला आवडणाऱ्या गोष्टींमधील एक आहे.
from Marathi Bollywood News, Marathi Cinema News https://ift.tt/2Q9pGOK
