मुंबई- आपल्या उत्कृष्ट अभिनयाने बॉलिवूडमध्ये वेगळं स्थान निर्माण करणारी अभिनेत्री सध्या चाहत्यांमध्ये चर्चेत आहे. नुकताच तिचा '' चित्रपट ओटीटीवर प्रदर्शित झाला होता. चित्रपटातील इलियानाच्या पात्राचं प्रेक्षकांकडून कौतुक करण्यात आलं. नुकत्याच दिलेल्या एका मुलाखतीत इलियानाने तिच्याबद्दल खोट्या बातम्या पसरवणाऱ्या प्रसारमाध्यमांना चांगलंच सुनावलं आहे. तिने या प्रसारमाध्यमांना अशा खोट्या बातम्या कोण पुरवतं, असा प्रश्न विचारला आहे. अबॉर्शनच्या बातमीवर हसली होती इलियाना नुकत्याच एका वृत्त वाहिनीला दिलेल्या मुलाखतीत इलियानाने तिच्या आत्महत्येबद्दल आणि अबॉर्शनबद्दल खोटी बातमी देणाऱ्यांना सुनावलं आहे. मुलाखतीदरम्यान, जेव्हा तिला विचारण्यात आलं की, अशी एखादी बातमी आहे का जी ऐकून तू खूप हसली होतीस? यावर उत्तर देत इलियाना म्हणाली, 'अशा तर खूप बातम्या आहेत पण एक बातमी होती ज्यात म्हटलं गेलं होतं की मी गरोदर आहे आणि अबॉर्शन केलंय. मला हे ऐकून हसायला आलं आणि वाईटही वाटलं की लोक एखाद्याबद्दल किती आणि काय काय बोलू शकतात. हे खूप विचित्र होतं.' आत्महत्येच्या बातमीवर इलियानाने सुनावले खडे बोल मुलाखतीत पुढे बोलताना इलियाना म्हणाली, 'अबॉर्शन सोडून आणखी एक बातमी होती ज्यात म्हटलं गेलेलं की मी आत्महत्येचा प्रयत्न नाही केलाय तर मी आत्महत्या केलीये. माझा मृत्यू झालाय. हद्द म्हणजे दुसऱ्या वेबसाइटने म्हटलेलं की, मी आत्महत्येचा प्रयत्न केलाय पण मी वाचली. माझ्या कामवाल्या बाईंनी या गोष्टीला दुजोरा दिलाय. पण हे कसं शक्य आहे? मी कधीही आत्महत्या करण्याचा प्रयत्न केला नाही आणि महत्वाचं म्हणजे माझ्या घरात कोणतीही कामवाली बाई येत नाही. मी जिवंत आहे. मला कळात नाही यांना या मसालावाल्या बातम्या मिळतात कुठून. त्यांना लाजदेखील वाटत नाही असं काही खोटं छापण्यापूर्वी. या सगळ्याचा काहीही अर्थ नाहीये.'
from Marathi Bollywood News, Marathi Cinema News https://ift.tt/3vDxVBI
