मुंबई : करोनाच्या संकटकाळामध्ये 'खतरों कें खिलाडी ११' कार्यक्रमाचे बिगुल वाजले आहे. या स्पर्धेत सहभागी होण्यासाठी ११ स्पर्धक चित्रीकरणासाठी केपटाऊनला रवाना झाले आहेत. पासून अर्जुन बिजलानी, सना मकबूल, निक्की तांबोळी हे सर्वजण गुरुवारच्या मध्यरात्री मुंबई विमानतळावरून केपटाऊनसाठी रवाना झाले. हे सर्वजण कतार एअरलाइन्सने गेले आहेत. यावेळी राहुल वैद्य आणि , दिव्यांका त्रिपाठी आणि विवेक दहिया या जोडीचा रोमँटिक अंदाज सर्वांना दिसला. या जोड्यांना काही दिवस एकमेकांपासून दूर राहावे लागणार आहे. त्यामुळे हे सर्वजण भावूक झाले होते. तर वरुण सूदने तिच्या मैत्रिणीला दिव्या अग्रवालला गुडबाय करताना 'मास्क किस' घेतला. राहुल-दिशाची मौजमस्ती कार्यक्रमात सहभागी होण्यासाठी सर्व स्पर्धक मुंबई विमानतळावर आले. तेव्हा त्यांच्याबरोबर त्यांच्या जवळच्या खास व्यक्तीही आल्या होत्या. बिग बॉसमुळे चर्चेत आलेला गायक राहुल वैद्य याला सोडायला दिशा परमार आली होती. गाडीतून उतरायच्या आधी राहुलने दिशाला प्रेमाने मिठी मारली. त्यानंतर तिच्या कपाळावर किस घेतला. या दोघांचे लग्न ठरले आहे. या कार्यक्रमानंतर बहुतेक ते लग्न करतील असा अंदाज आहे. तोपर्यंत हे दोघे एकमेकांपासून दूर राहणार असल्याने खूपच इमोशनल झालेले दिसले. दिव्यांकाला आले रडू दिव्यांक विमानतळावर पती विवेक दहियासोबत पोहोचली. अलविदा म्हणताना दिव्यांका खूपच भावूक झाली होती. त्यावेळी विवेकने तिला मिठीत घेऊन तिला समजावले. वरुण आणि दिव्याचा मास्क किस या कार्यक्रमात सहभागी होण्यासाठी वरुणही त्याची मैत्रिण दिव्यासोबत आला होता. या दोघांनी एकमेकांचा निरोप घेताना प्रेमाने मिठ्या मारल्या. इतकेच नाही तर वरुणने दिव्याला मास्कवरूनच किस करून गुडबाय म्हटले. त्याचे फोटो सोशल मीडियावर व्हायरल झाले आहेत. सना मकूबलचा हटके अंदाज या कार्यक्रमातील आणखी एक स्पर्धक सना मकबूल ही अत्यंत फ्रेश लूकमध्ये विमानतळावर दिसली. तिचा हा अंदाज पाहून ती कार्यक्रमाच्या चित्रीकरणासाठी भलतीच उत्सुक असल्याचे दिसत होते. उदास होती निक्की तांबोळी निक्की तांबोळीच्या भावाचे आणि त्याआधी आजीचे निधन झाले आहे. त्यामुळे निक्कीवर आणि तिच्या कुटुंबावर दुःखाचा डोंगर कोसळला आहे. मात्र आपले हे दुःख बाजूला ठेवत लाडक्या भावाचे स्वप्न साकार करण्यासाठी निक्की केपटाऊनला रवाना झाली. गंभीर मूडमध्ये श्वेता तिवारी या कार्यक्रमातील आणखी एक स्पर्धक श्वेता तिवारीही विमानतळावर दिसली. एकूणच श्वेता अतिशय शांतपणे विमानतळावर आली. तिची एकूणच देहबोली पाहता ती अतिशय गंभीर असल्याचे जाणवत होते. कूल लूकमध्ये अभिनव शुक्ला अभिनव शुक्ला जरी खतरों के खिलाडी कार्यक्रमात सहभागी होण्यासाठी गेला असला तरी त्याचे सर्व लक्ष पत्नी रुबीना दिलैककडे लागले आहे. रुबीनाला करोनाची लागण झाली असून तिच्यावर सिमला येथे उपचार सुरू आहेत. हसतखेळत आला अर्जुन बिजलानी संपूर्ण पांढऱ्या रंगाचे कपडे घालून अर्जुन बिजलानीची विमानतळावर एण्ट्री झाली. विमानतळावर आल्यापासून अर्जुन एकदम छान मूडमध्ये होता. तो सर्वांशी अतिशय हसून खेळून बोलत होता. त्यावरून या कार्यक्रमात सहभागी होण्यासाठी तो देखील कमालीचा उत्सुक असल्याचे दिसले. नशीब आजमावयला निघाला विशाल आदित्य सिंह 'बिग बॉस'नंतर आता विशाल आदित्य सिंह पुन्हा एकदा रिअॅलिटी शोमध्ये सहभागी होत आहे. यावेळी त्याला नशीब साथ देणार का याची उत्सुकता त्याच्या चाहत्यांना आहे.
from Marathi Bollywood News, Marathi Cinema News https://ift.tt/3erlN0V
