मुंबई : बॉलिवूडचे महानायक अर्थात आज वयाच्या ७८ वर्षीदेखील तरुणांना लाजवतील अशा उत्साहात काम करतात. आजवरच्या प्रत्येक भूमिकेसाठी त्यांनी मेहनत घेतली आहे आणि आजही घेत आहेत. सध्या त्यांच्याकडे आठ हिंदी सिनेमे असल्याचं कळतंय. तसंच छोट्या पडद्यावर 'कौन बनेगा करोडपती'चं आगामी पर्वदेखील लवकरच प्रेक्षकांच्या भेटीस येणार आहे. या सगळ्यात त्यांची कामाप्रतीची जिद्द आणि सातत्य प्रामुख्यानं दिसतं. वय वाढत असलं तरी त्यांचा काम करण्याचा उत्साह काही कमी झालेला नाही. पण, बिग बींच एक ट्वीट सध्या कमालीचं चर्चेत आहे. या ट्वीटमुळे अनेक चाहत्यांनी त्यांचं कौतुक केलंय. तर काहींनी त्यांना ट्रोलदेखील केलंय. 'जीवन की संतुष्टि.. जीवन का मोक्ष ..बस काम मिलता रहे..' असं त्यांनी ट्वीटमध्ये म्हटलंय. यातील 'बस काम मिळत रहावं' या त्यांच्या वाक्याने नेटकऱ्यांच्या भुवया उंचावल्या आहेत. नेटकऱ्यांनी त्यांना आराम करण्याचा सल्ला दिला आहे. पण, बिग बींनी सतत पडद्यावर दिसतं राहावं हीच इच्छा त्यांच्या प्रत्येक चाहत्याची असेल; यात काही शंका.
from Marathi Bollywood News, Marathi Cinema News https://ift.tt/3vDA5Ro
