मुंबई: बॉलिवूड अभिनेत्री सध्या त्यांच्या चित्रपटांमुळे नाही तर त्यांच्या आत्मचरित्रामुळे चर्चेत आहेत. नुकतंच त्यांचं आत्मचरित्र '' प्रकाशित झालं. सध्या सोशल मीडियावर त्यांच्या या पुस्तकाची बरीच चर्चा आहे. नीना गुप्ता यांनी त्यांच्या या पुस्तकात त्यांच्या खासगी आयुष्याशी संबंधीत अनेक खुलासे केले आहेत. या पुस्तकात अशा अनेक गोष्टीचा उल्लेख करण्यात आला आहे. ज्याच्याबद्दल अद्याप कोणाला काहीच माहीत नाही. असाच एक खुलासा नीना गुप्ता यांनी त्याचे सह-कलाकार सतीश कौशिक यांच्याबद्दलही केला आहे. नीना गुप्ता यांनी आपल्या पुस्तकात सांगितलं आहे की, त्या जेव्हा विवियन रिचर्ड्स यांची मुलगी मसाबाला जन्म देणार होत्या तेव्हा अभिनेता सतीश कौशिक यांनी नीना यांना लग्नाचा प्रस्ताव दिला होता. नीना प्रेग्नन्ट असतानाही सतीश यांनी त्यांच्याशी लग्न करण्याची इच्छा व्यक्त केली होती. नीना सांगतात, त्यावेळी सतीश मला म्हणत असे. जर हे बाळ डार्क स्कीन घेऊन जन्माला आलं तर तू हे सतीश कौशिकचं बाळ आहे असं सर्वांना सांगू शकतेस. पण अर्थातच नीना यांनी सतीश यांचं हा प्रस्ताव नाकारला. नीना गुप्ता आणि सतीश कौशिक यांनी 'जाने भी दो यारों' आणि 'मंडी' या सुपरहिट चित्रपटात एकत्र काम केलं आहे. नीना यांनी आपल्या आत्मचरित्रात सांगितलं आहे की, त्या कुमारी माता झाल्यानंतर त्यांना नकारात्मक भूमिकांच्या ऑफर मिळू लागल्या होत्या. नीना यांचं म्हणणं आहे की, आपल्या समाजात एक खंबीर महिला असणं चुकीचं मानलं जातं. त्यामुळे की काय त्यांना अशाप्रकारे खलनायकी भूमिकांच्या ऑफर मिळू लागल्या होत्या. नीना गुप्ता यांनी 'बधाई हो' या चित्रपटातू बॉलिवूडमध्ये कमबॅक केलं होतं. त्यानंतर त्या 'शुभ मंगल ज्यादा सावधान' आणि वेब सीरिज 'पंचायत'मध्ये दिसल्या होत्या. या सर्वच ठिकाणी त्यांच्या अभिनयचं कौतुक झालं. अलिकडच्या काळात रिलीज झालेल्या 'सरदार का ग्रँडसन' या चित्रपटातही नीना गुप्ता दिसल्या होत्या. या चित्रपटात राकुलप्रीत सिंह आणि अर्जुन कपूर यांच्या मुख्य भूमिका होत्या. आगामी काळात त्या 'गुडबाय' या चित्रपटात दिसणार आहेत. या चित्रपटात अमिताभ बच्चन, रश्मिका मंदाना आणि पवेल गुलाटी यांच्या मुख्य भूमिका आहेत.
from Marathi Bollywood News, Marathi Cinema News https://ift.tt/3wqBGeG
