मुंबई- बॉलिवूड आणि क्रिकेट यांचं नातं फार जवळचं आहे. असे अनेक क्रिकेटर आहेत ज्यांनी बॉलिवूड अभिनेत्रींसोबत लग्नगाठ बांधली. अनुष्का शर्मा- विराट कोहली, हरभजन सिंग- गीता बसरा ही काही उदाहरणं प्रेक्षकांसमोर आहेतच. परंतु, अशाही काही जोड्या आहेत ज्यांचं नातं पूर्णत्वाला जाऊ शकलं नाही. अशीच एक जोडी म्हणजे लोकप्रिय अभिनेत्री दीपिका पादुकोण आणि क्रिकेटर यांची. दीपिकाला रणवीर सिंगच्या रूपात आपल्या आयुष्याचा जोडीदार मिळाला असला तरी कधीकाळी दीपिका युवराजला डेट करत होती. सगळं काही चांगलं सुरू असताना अचानक त्यांच्या ब्रेकअपच्या बातम्या समोर आल्या. दीपिका आणि युवराज यांच्या प्रेमाच्या चर्चा सगळीकडे पसरल्या होत्या. अनेक ठिकाणी त्यांना एकत्र पाहिलं जायचं. दीपिका आणि युवराज अनेकदा डेटवरही जात. त्यांची पहिली भेट २००७ सालच्या टी-२० वर्ल्डकप नंतर झाली होती. आधी ते एकमेकांचे खूप चांगले मित्र बनले. हळूहळू त्यांच्यातील संबंध आणखी घट्ट होत गेले. एका वृत्तवाहिनीने प्रसिद्ध केलेल्या माहितीनुसार, दीपिकाने युवराजसाठी एका मोठ्या पार्टीचं आयोजनही केलं होतं. परंतु, त्यानंतर अचानक दीपिका आणि युवराजच्या ब्रेकअपच्या बातम्या सोशल मीडियावर पसरू लागल्या. तेव्हा दीपिकाने तिच्या स्वभावामुळे युवराजसोबतचं नातं तोडण्याचा निर्णय घेतल्याचं म्हटलं जात होतं. परंतु, काही काळानंतर दिलेल्या एका मुलाखतीत युवराजने त्यांच्या नात्याबद्दल खुलासा करत ब्रेकअपचं कारण सांगितलं. एकमेकांना वेळ न दिल्याचं सांगत युवराज म्हणाला, 'मी नुकताच दक्षिण आफ्रिकेहून परतलो होतो आणि आम्ही काही मित्रांमुळे एकमेकांना भेटलो. आम्ही एकमेकांना आवडत होतो आणि एकमेकांना जाणून घेण्याचा प्रयत्न करत होतो. पण ते करण्यासाठी आम्ही एकमेकांना वेळ नाही दिला. जस-जसे दिवस पुढे सरकत गेले तशी दीपिकाही या गोष्टी विसरत गेली.' त्यानंतर दीपिका रणबीर कपूरसोबत रिलेशनमध्ये असल्याच्या चर्चा होत्या.
from Marathi Bollywood News, Marathi Cinema News https://ift.tt/3gllWmk