मुंबई: काही दिवसांपूर्वी 'बिग बॉस मराठी'च्या नव्या सीझनचा टीझर प्रदर्शित झाला. या टीझरमुळे शोच्या चाहत्यांमध्ये उत्सुकता निर्माण झाली आहे. २०२० साली करोनामुळे 'बिग बॉस मराठी'चा तिसरा सीझन लांबणीवर गेला होता. परंतु हाच तिसरा सीझन जुलै महिन्याच्या अखेरीस प्रेक्षकांच्या भेटीला येणार असल्याचं सूत्रांकडून कळलं आहे. 'बिग बॉस मराठी'च्या नव्या पर्वाचं सूत्रसंचालन महेश मांजरेकरचं करणार आहेत हे निश्चित झालं असलं तरी स्पर्धक म्हणून बिग बॉसच्या घरात कोणते नवे चेहरे दिसतील हा प्रश्न तुम्हालाही पडलाच असेल. यंदाच्या सीझनसाठी इंडस्ट्रीतील अमराठी सेलिब्रिटींना विचारण्यात आल्याचीही माहिती आहे. अमराठी नावांमध्ये 'देवमाणूस' मालिकेतून घराघरांत पोहचलेली दिव्या सिंग अर्थात अभिनेत्री हिच्या नावाचा समावेश असल्याच्या चर्चा सुरू आहेत. त्यामुळे तिने 'देवमाणूस' मालिकेला राम-राम ठोकला असल्याच्याचंही म्हटलं जात आहे. तसंच 'काहे दिया परदेस मालिकेतून मराठी प्रेक्षकांच्या मनात स्थान मिळवणारा अमराठी अभिनेता ऋषी सक्सेना हा याच्या नावाचीही चर्चा सुरू आहे. या दोन नावांची चर्चा सूत्रांकडून मिळालेल्या माहितीनुसार नेहा जोशी आणि संग्राम समेळ ही दोन नावं पुढे आली आहेत. चॅनलच्या टीमकडून संग्रामला शोमध्ये सहभागी होण्यासाठी कॉल करण्यात आला असल्याची माहिती मिळाली आहे. त्यामुळे खरंच हे दोन्ही कलाकार बिग बॉस मराठीच्या घरात दिसतील का? हे पाहणं औत्सुक्याचं ठरेल. त्याचसोबत संग्रामची पहिली पत्नी अभिनेत्री पल्लवी पाटील हीदेखील या नव्या सीझनमध्ये स्पर्धक असण्याची शक्यता वर्तवण्यात येत आहे.
from Marathi Bollywood News, Marathi Cinema News https://ift.tt/3h0QcEJ
