प्रवासातला पाऊसकाही दिवस घराच्या खिडकीतूनच पाऊस एंजॉय करणार आहे. कारण सद्यस्थितीत आजारी न पडण्यावर भर असेल. तसंच फिरायला जाण्याचं कटाक्षानं टाळणार आहे. काही दिवसांनंतर अनेक प्रोजेक्टसची चित्रीकरणं सुरु होतील. त्यानिमित्तानं मुंबई-पुणे प्रवास होईल. या प्रवासादरम्यान महामार्गावर पाऊस अनुभवायला मिळेल, याचं अप्रूप आहे. पावसाळी वातावरणात गाडी चालवण्याची मजाच निराळी असते. अशा प्रकारे एंजॉय करायचं ठरवलं आहे. - घरीच आनंद लुटणारएक चांगलं आहे की, मला पावसाळ्याचा म्हणून खास बेत ठरवावा लागत नाही. कारण माझ्या घरामागे डोंगर आहे. तिथं मी हवं तेव्हा जाऊ शकतो. विशेष म्हणजे, मी पाऊस कुठूनही एंजॉय करु शकतो. यंदा चित्रीकरण सुरु व्हायला वेळ आहे. त्यामुळे घरातून पावसाचा आनंद लुटणार आहे. दरवर्षी कितीही गडबडीत असलो तरी मी वेळात वेळ काढून पावसाचा आनंद घेतोच. मग ते कसंही असो. अगदी घरी राहून खिडकीत बसूनसुद्धा मी एंजॉय करु शकतो. - ललित प्रभाकर मनसोक्त भिजणार यंदा पावसाळ्यात बिल्डिंगच्या खाली उतरता तरी येतंय, याचा आनंद आहे. कारण गेल्या वर्षी बंधनं होती. आता एके दिवशी बिल्डिंगच्या खाली जाऊन मनसोक्त भिजून घरात येण्याचा प्लॅन आहे. पावसाळ्यात फिरायला जाण्याचा विशेष बेत ठरवणार नाही. कारण अजूनही करोनाची भीती आहेच. ते संकट पूर्णपणे टळल्याशिवाय काहीही प्लॅन करणार नाही. तसंच इतरांनी कामाव्यतिरिक्त घराबाहेर पडू नये, असा सल्ला मी देईन. - ऋता दुर्गुळे गरमागरम भजीचा आस्वाद यंदा पावसाळ्यात काय करायचं हे अद्याप ठरवलेलं नाही. कारण करोनाचं संकट पूर्णपणे टळलेलं नाहीय. शिवाय, चित्रीकरणासाठी बायोबबलमध्ये आहोत. त्यामुळे बाहेर जाता येत नाही. अशा परिस्थितीत सेटवरच फक्कड चहा आणि गरमागरम भजीचा आस्वाद घेत आहोत. गेल्या दोन वर्षांत कामाव्यतिरिक्त फिरणं झालं नाही. त्यामुळे पाऊस पडायला लागल्यावर मनाला रुखरुख लागते. पण पुढचे काही महिने संयम बाळगणं गरजेचं आहे. - जंगल खुणावतंय सध्या मालिकेचं आऊटडोअर चित्रीकरण सुरु आहे. त्यामुळे चित्रीकरण आणि पाऊस असं समीकरण जुळून आलं आहे. मी सिल्वासामध्ये चित्रीकरण करत आहे. जिथं राहण्याची सोय आहे ते निसर्गसौंदर्यानं नटलेलं ठिकाण आहे. बंगल्यात घरासारखं वातावरण आहे आणि घराबाहेर पडल्यावर निसर्गाच्या सान्निध्यात वेळ घालवल्यासारखं वाटतंय. अशा प्रकारे पाऊस एंजॉय करत आहे. यातून वेळ मिळाला तर जवळच्या ठिकाणांना भेट देण्याचा मानस आहे. खास करुन गर्द जंगलात फिरायला जायचं आहे. - शिवानी रांगोळे संकलन : शब्दुली कुलकर्णी
from Marathi Bollywood News, Marathi Cinema News https://ift.tt/3xhkmc3