मुंबई : अभिनेत्री पूजा बेदीची चर्चा तिच्या सिनेमांपेक्षा बोल्डनेसमुळेच जास्त झाली. पूजाने ९० चे दशक गाजवले होते. त्याकाळातील लोकप्रिय अभिनेत्रींपैकी ती एक होती. लोकप्रियता मिळाल्यानंतर मात्र,अचानक पूजा सिनेसृष्टीपासून लांब गेली. यामागे खरे कारण होते तिचा पूर्वाश्रमीचा नवरा आणि त्याचे कुटुंब. हे सर्वजण अतिशय जुन्या विचारसरणीचे असल्याने पूजाला सिनेसृष्टीपासून लांब जावे लागले. या सर्वांबद्दल पूजाने एका मुलाखतीमध्ये मोकळेपणाने भाष्य केले आहे. काय म्हणाली पूजा पूजाने मुलाखतीमध्ये सांगितले, 'माझी आणि फरहानची भेट झाली. आम्ही एकमेकांच्या प्रेमात पडलो आणि आम्ही १९९४ मध्ये लग्न करण्याचा निर्णय घेतला. खरे तर तेव्हा मला अनेक सिनेमांत काम करण्यासाठी ऑफर येत होत्या. परंतु लग्नाला प्राधान्य देत मी त्या सर्व ऑफर नाकारल्या आणि सिनेसृष्टीला अलविदा केला.' लग्नाआधी धर्मांतरही केले पूजा पुढे म्हणाली, 'फरहानचे कुटुंब हे मुस्लिम पारसी होते. लग्नाआधी मी धर्मांतर करून इस्लाम धर्माचा स्वीकार केला. त्यानंतर माझे नावही बदलून नूरजहाँ असे ठेवण्यात आले. धर्मांतरानंतर आम्हा दोघांचा मुस्लीम पद्धतीने निकाह झाला.' फरहानचे घरचे अतिशय कर्मठ विचारांचे याच मुलाखतीमध्ये पूजाने तिच्या सासरच्यांबद्दलही सांगितले. ती म्हणाली, 'फरहानच्या घरचे सर्वजण अतिशय कर्मठ विचारांचे होते. लग्नाआधी जेव्हा मी त्यांना भेटले तेव्हाच त्यांनी लग्न करायचे असेल तर धर्मांतर करण्याबाबत आणि लग्नानंतर सिनेमांत काम न करण्याबाबत सांगितले होते.' निर्णयाचा पश्चाताप नाही पण हा निर्णय घेतल्याबद्दल पश्चाताप होतो का असे विचारले असता तिने सांगितले, 'हा निर्णय घेतल्याचा मला कोणताही पश्चाताप नाही परंतु एक गोष्ट नक्की हा निर्णय माझ्यावर लादला होता. जर मला निर्णय घ्यायला सांगितला असता, तर मी कदाचित सिनेमातून बाहेर पडण्याचा निर्णय घेतला नसता.' लग्न फार काळ टिकले नाही पूजा आणि फरहान यांचे लग्न फार काळ टिकले नाही. त्याबद्दल ती म्हणाली, 'फरहान आणि माझे लग्न केवळ नऊ वर्षे टिकले. त्यानंतर आम्ही घटस्फोट घेतला.' पूजा आणि फरहान यांना अलाया फर्नीचरवाला ही मुलगी आणि उमर फर्नीचरवाला हा मुलगा आहे. अलायाने गेल्यावर्षी 'जवानी जानेमन' या सिनेमातून अभिनयाच्या क्षेत्रात पदार्पण केले आहे. लवकरच दुसरे लग्न करणारदरम्यान, पूजा बेदीने मानिक काँट्रॅक्टर बरोबर साखरपुडा केला आहे. अनेक वर्षांपासून ती गोव्यात रहात आहे. लवकरच हे दोघे लग्नही करणार आहेत.
from Marathi Bollywood News, Marathi Cinema News https://ift.tt/2SXU6oq