मुंबई : छोट्या पडद्यावरील सर्वाधिक लोकप्रिय मालिकांमध्ये 'बालिका वधू' या मालिकेचा समावेश होतो. या मालिकेचे दुसरे पर्व लवकरच प्रसारित होणार आहे. चा प्रोमो प्रदर्शित झाला आहे. बालविवाहासारख्या कुप्रथेच्या उच्चाटनाचा विचार मांडणारी 'बालिका वधू' ही मालिका खूपच लोकप्रिय झाली होती. आता या मालिकेच्या दुसऱ्या पर्वाचा प्रोमो रिलीज झाला आहे. या प्रोमोमध्ये रंगीबेरंगी कपडे घातलेली छोटी मुलगी खेळताना दिसत आहे. त्या मुलीला पाहून एक महिला म्हणते, 'अरे किती सुंदर मुलगी आहे. हिच्यासाठी एक छोटासा राजकुमार शोधायला हवा.' बालिका वधू २ मध्ये श्रेया पटेल आणि वंश सयानी हे दोघेजण छोटी आनंदी आणि जग्ग्या ही पात्रे साकारणार आहेत. बालिका वधूच्या दुसऱ्या पर्वाचे कथानक देखील पहिल्या पर्वासारखेच आहे. पहिल्या पर्वामध्ये छोटी आनंदी ही भूमिका अविका गौर आणि छोट्या जग्ग्याची भूमिका अविनाश मुखर्जीने साकारली होती. तर मोठ्या आनंदीची भूमिका प्रत्युषा बॅनर्जी आणि मोठ्या जग्ग्याची भूमिका शशांक व्यासने साकारली होती. काही दिवसांनी प्रत्युषा बॅनर्जीने 'बालिका वधू' मालिकेला अलविदा केला. त्यानंतर ही भूमिका तोरल रसपुत्रने साकारली होती. दरम्यान, २ चे चित्रीकरण राजस्थानमध्ये सुरू झाले असून ही मालिका लवकरच कलर्स टीव्हीवरून प्रसारित केली जाईल. या मालिकेचा प्रोमो पाहून प्रेक्षकांना देखील खूपच उत्सुकता निर्माण झाली आहे. हा प्रोमो पाहून प्रेक्षकांनी त्यांच्या प्रतिक्रिया व्यक्त करायला सुरुवात केली आहे.
from Marathi Bollywood News, Marathi Cinema News https://ift.tt/2TdOIOb
