मुंबई- मराठी चित्रपटसृष्टीतील निर्माती हिला अटक करण्यात आली आहे. स्वप्नाने क्लिनिकल फिजिओलॉजी या विषयात मिळवलेली पीएचडीची पदवी खोटी असल्याचं सिद्ध झाल्याने तिच्यावर ही कारवाई करण्यात आली. स्वप्नावर खोटी पीएचडी पदवी दाखवून इस्पितळात नोकरी मिळवून फसवणूक केल्याचा आरोप आहे. स्वप्ना एक निर्माती असून तिने शिवसेना पक्षप्रमुख दिवंगत बाळासाहेब ठाकरे यांच्या आयुष्यावर आधारित चित्रपटाची निर्मिती केली होती. स्वप्नाने केली होती '' चित्रपटाची निर्मिती स्वप्नाने बाळासाहेब यांच्या आयुष्यावर आधारित 'बाळकडू' या चित्रपटाची निर्मिती केली होती. चा चित्रपट २०१५ साली प्रदर्शित झाला होता. चित्रपटात अभिनेता उमेश कामत याने मुख्य भूमिका साकारली होती. एका पोलीस अधिकाऱ्याने दिलेल्या माहितीनुसार, स्वप्नाविरुद्ध २६ मे रोजी मुंबईतील वांद्रे येथे तक्रार नोंदवण्यात आली असून तिच्यावर फसवणुकीचा आरोप करण्यात आला आहे. स्वप्ना २०१६ पासून वांद्रे येथील एका नामांकित इस्पितळात सहाय्यक मनोवैज्ञानिक तज्ज्ञ म्हणून अभ्यास करत होती. सीलबंद लिफाफ्याने केली स्वप्नाची पोलखोल अधिकाऱ्याने दिलेल्या माहितीनुसार, ५१ वर्षीय सामाजिक कार्यकर्ता गुरदीप कौर सिंग यांना एप्रिल महिन्यात त्यांच्या कार्यालयात एक सीलबंद लिफाफा मिळाला. यात स्वप्नाच्या पीएचडी संबंधित काही कागदपत्र होते. ते पाहून गुरदीप यांनी पोलिसात तक्रार दाखल केली. त्या कागदपत्रांनुसार स्वप्नाने दाखवलेली छत्रपती शाहू महाराज विश्वविद्यालय, कानपुर येथील डिग्री खोटी होती. या डिग्रीचा वापर करून स्वप्नाने इस्पितळात नोकरी मिळवली होती. इतकंच नाही तर ती मनोविकार असलेल्या रुग्णांवर उपचार देखील करत होती. याप्रकरणी आणखी तपास सुरू आहे.
from Marathi Bollywood News, Marathi Cinema News https://ift.tt/3gmqRUg