दावा तारीख नसलेली एक छोटी व्हिडिओ क्लिप या दाव्याने शेअर केली जात आहे की, भारताचे माजी पंतप्रधान डॉ. मनमोहन सिंग यांना त्यांच्या वाढदिवशी काँग्रेस नेते राहुल गांधी यांनी केक कापू दिला नाही. या क्लिपमध्ये दिसतेय की, राहुल गांधी हे चॉकलेटचा केप कापत आहेत. मनमोहन सिंग हे शांत बसले असून अपसेट दिसत आहे. तसेच बाचीचे लोक सुद्धा नुसते पाहत आहेत. हा व्हिडिओ शेअर करताना मनमोहन यांना लक्ष्य केले जात आहे. ज्या व्यक्तीला स्वतःच्या वाढदिवशी केक कापू दिला जात नाही. यावरून तुम्ही अंदाज लावा की, भारताचे पंतप्रधान पद हे त्यांनी १० वर्ष कसे सांभाळले असेल. खरं काय आहे ? हा व्हिडिओ मनमोहन सिंग यांच्या वाढदिवसाचा नाही. तो काँग्रेस पक्षाचा फाउंडेशन डेचा आहे. २०१८ रोजी काँग्रेस फाउंडेशन डे साजरा करण्यात आला होता. त्यावेळी हा केक कापण्यात आला होता. मनमोहन सिंग यांचा वाढदिवस नव्हता किंवा त्यांना केक कापू दिला नाही, हा चुकीचा दावा करण्यात येत आहे. कशी केली पडताळणी ? गुगलवर क्रोम इन व्हिडिओचा वापर करून आम्ही सर्वात आधी या व्हिडिओला काही भागात विभागले. त्यानंतर त्या व्हिडिओला रिव्हर्स इमेज सर्च केले. त्यानंतर आम्हाला असे लक्षात आले की, हा व्हिडिओ २८ डिसेंबर २०१८ रोजी काँग्रेसच्या अधिकृत यूट्यूब चॅनेलवर अपलोड करण्यात आला होता. या व्हिडिओचे ‘Former PM Manmohan Singh and Congress President Rahul Gandhi cut a cake on Congress Foundation Day’, टायटल होते. या व्हिडिओतील एक छोटा भाग घेऊन तो चुकीच्या पद्धतीने व्हायरल केला जात आहे. या व्हिडिओत दिसत आहे की, राहुल गांधी आणि मनमोहन सिंग हे दोघे जण संयुक्तरित्या चॉकलेटचा केक कापत आहे. मनमोहन सिंग यांचा वाढदिवस हा २६ सप्टेंबर रोजी आहे. तसेच आम्हाला त्यांच्या वाढदिवसांनिमित्त केक कापल्याचा कोणताही व्हिडिओ कुठेही सापडला नाही. निष्कर्ष डॉ. मनमोहन सिंग यांना त्यांच्या वाढदिवशी राहुल गांधी यांनी केक कापू दिला नाही, असा जो दावा एका व्हिडिओ क्लिपमधून केला जातोय, तो चुकीचा आहे. हा व्हिडिओ त्यांच्या वाढदिवसाचा नसून तो काँग्रेस पक्षाच्या स्थापना दिवसाचा आहे, असे मटा फॅक्ट चेकच्या पडताळणीत स्पष्ट झाले आहे.
from Gadget News in Marathi: Computer, Mobile, Auto News in Marathi | Maharashtra Times https://ift.tt/351yWIJ