मुंबई : अभिनेत्री रिंकू राजगुरुला 'सैराट' या सिनेमामुळे प्रचंड लोकप्रियता मिळाली. आजही या सिनेमाची जादू प्रेक्षकांवर कायम असून ते आजही या सिनेमावर, यातील सर्व कलाकारांवर भरभरून प्रेम करतात. या सिनेमामध्ये रिंकू राजगुरुने आर्ची ही भूमिका साकारली होती. रिंकूवर आजही तिचे चाहते भरभरून प्रेम करतात. तिच्या या चाहत्यांमध्ये बॉलिवूड कलाकारांचाही समावेश झाला आहे. सोशल मीडियावर रिंकू खूपच सक्रीय असते. रिंकू सातत्याने तिच्या वेगवेगळ्या अंदाजातील फोटो, व्हिडिओ सोशल मीडियावर शेअर करत असते. तिने पोस्ट केलेल्या फोटोंवर तिचे चाहते कायमच भरभरून लाइक, कमेन्टचा वर्षावर करत असतात. अलिकडेच रिंकूने तिचे ग्लॅमरस फोटो सोशल मीडियावर पोस्ट केले आहेत. हे फोटो पोस्ट करत तिने आयुष्यातील हे पहिलेवहिले फोटोशूट असल्याचे म्हटले आहे. रिंकूने जे फोटो पोस्ट केले आहेत त्यात ती खूपच सुंदर दिसत आहे. या फोटोंमध्ये रिंकूने डेनिम जीन्स, टीशर्ट आणि त्यावर चेक्सचे जॅकेट घातलं आहे. या लुकवर तिने साजेशी अशी बॅगही कॅरी केली आहे. एकूणच या आउटफिटमध्ये रिंकू छान दिसत आहेच शिवाय तिचा आत्मविश्वासाही यातून दिसत आहे. रिंकूचा हा अतिशय ग्लॅमरस लुक तिच्या चाहत्यांना खूपच आवडला आहे. रिंकूने हे फोटो तिच्या इन्स्टाग्रामवर अकाउंटवर शेअर केल्यानंतर अगदी थोड्यावेळातच ते व्हायरल झाले. केवळ चाहतेच नाही तर कलाकारांनादेखील रिंकूचा हा लुक खूपच आवडला. रिंकूच्या या फोटोंवर अभिनेत्री प्रार्थना बेहेरेनेही कमेन्ट केली. रिंकूचे ग्लॅमरस फोटो अभिनेता ईशान खट्टरला देखील आवडले. त्यामुळेच त्याला देखील कमेन्ट करण्याचा मोह आवरता आला नाही. रिंकूच्या फोटोवर ईशानने 'वाईब' अशी कमेंट केली. तर रिंकूने देखील स्माईली देत ईशानला रिल्पाय दिला आहे. दरम्यान, रिंकूच्या फोटोवर ईशान खट्टरची कमेन्ट पाहून अनेकांना आश्चर्याचा मोठा धक्का बसला आहे. लोकप्रिय झालेल्या 'सैराट' सिनेमाचा हिंदी रिमेक करण जोहरने काढला होता. हा सिनेमा हिंदीमध्ये 'धडक' नावाने रिलीज झाला. या सिनेमात आणि जान्हवी कपूर यांनी प्रमुख भूमिका साकारल्या होत्या. या सिनेमातून ईशान आणि जान्हवीने बॉलिवूडमध्ये पदार्पण केले होते. दरम्यान, रिंकू राजगुरुच्या आगामी प्रोजेक्टबद्दल सांगायचे तर रिंकूच्या आगामी सिनेमांमध्ये नागराज मंजुळे यांच्या 'झुंड' या हिंदी सिनेमाचा समावेश आहे. रिंकूचा हा पहिलाच हिंदी सिनेमा आहे. या सिनेमामध्ये अमिताभ बच्चन यांची मुख्य भूमिका आहे. याशिवाय तिने अलिकडेच 'छू मंतर' या मराठी सिनेमाचे चित्रीकरण पूर्ण केले आहे. या सिनेमात तिच्यासोबत प्रार्थना बेहरे, सुव्रत जोशी, ऋषी सक्सेना हे देखील आहेत. या सिनेमाचे दिग्दर्शन समीर जोशी करत आहेत.
from Marathi Bollywood News, Marathi Cinema News https://ift.tt/3f3BnzW
