मुंबई: टीव्हीवरील लोकप्रिय शो 'द शो' लवकरच प्रेक्षकांच्या भेटीला येत आहे. काही दिवसांपूर्वीच कपिल शर्मानं याची घोषणा केली आहे. याशिवाय या शोचा पहिला पाहुणा म्हणून अभिनेता कपिल शर्माच्या सेटवर हजेरी लावणार असल्याच्या चर्चाही झाल्या होत्या. अशात आता अक्षय कुमार आणि कपिल शर्मा यांच्या एक फोटो सोशल मीडियावर खूप व्हायरल होताना दिसत आहे. अक्षय कुमारनं त्याच्या चित्रपटांच्या शूटिंगसाठी कपिल शर्माच्या शोमध्ये हजेरी लावतो. दोघांची बरीच मस्करी देखील पाहायला मिळते. लवकरच अक्षय कुमारचा '' चित्रपट प्रेक्षकांच्या भेटीला येत आहे आणि चर्चा आहे की कपिल शर्माच्या शोमध्ये अक्षय कुमार प्रमोशनसाठी हजेरी लावणार आहे. अशातच कपिल शर्मानं त्याच्या सेटवरील एक फोटो इन्स्टाग्रामवर शेअर केला आहे. या फोटोमध्ये अक्षय कुमार कपिल शर्माच्या पाया पडताना दिसत आहे. हा फोटो शेअर करताना कपिलनं लिहिलं, 'प्रसिद्ध अभिनेता अक्षय कुमार त्याचा आगामी चित्रपट 'बेल बॉटम'साठी आशीर्वाद घेताना.' अक्षय कुमारच्या 'बेल बॉटम' चित्रपटाचा ट्रेलर काही दिवसांपूर्वीच रिलीज झाला होता. यावर कपिल शर्मानं ट्विटरवर अक्षय कुमारला टॅग करताना लिहिलं, 'अप्रतिम ट्रेलर अक्षय पाजी. 'बेल बॉटम'च्या संपूर्ण टीमचं अभिनंदन आणि शुभेच्छा.' कपिल शर्मानं आपल्या या ट्वीटमध्ये ट्रेलरही शेअर केला होता. यावर उत्तर देताना अक्षय कुमारनं देखील कपिलची खिल्ली उडवली होती. अक्षयनं कपिलच्या ट्वीटला उत्तर देताना लिहिलं, 'जेव्हा समजलं शोच्या सेटवर येत आहे तसं लगेच शुभेच्छा पाठवल्या त्याआधी नाही. भेटूनच तुझी खबर घेतो.' 'द कपिल शर्मा शो'च्या कास्टनं ७ ऑगस्टपासून शूटिंगला सुरुवात केली आहे. अर्चना पुरन सिंह यांनी एक व्हिडीओ शेअर करत याची माहिती दिली होती. अर्चना यांनी जवळपास दिड मिनिटाचा व्हिडीओ सोशल मीडियावर शेअर करत या शोसंबंधीत अपडेट दिल्या होत्या. करोना व्हायरसच्या काळात या शोचं शूटिंग थांबवण्यात आलं होतं. दरम्यानच्या काळात कपिलनं त्याचा मोकळा वेळ कुटुंबासोबत एन्जॉय केला.
from Marathi Bollywood News, Marathi Cinema News https://ift.tt/2VD5kAj
