मुंबई: पॉर्नोग्राफी प्रकरणात फसलेल्या राज कुंद्रासोबतच्या संबंधांबाबत मुंबई पोलिसांनी शुक्रवारी तब्बल ८ तास चौकशी केली. या चौकशीनंतर शर्लिन चोप्रानं प्रसार माध्यमांशी बोलताना या चौकशीत मुद्द्यांवर चर्चा केली. पोलिसांनी कोण- कोणते प्रश्न विचारले याबाबत तिनं सांगितलं. आणि आपल्या कामासंबंधीत एक- एक गोष्ट आपण पोलिसांना सांगितली असल्याचं यावेळी शर्लिननं सांगितलं. पोलीस चौकशीबाबत बोलताना शर्लिन म्हणाली, 'मला राज कुंद्राची कंपनी आर्म्सप्राइम आणि माझ्यात २०१९ साली झालेल्या कॉन्ट्रॅक्टबाबत विचारण्यात आलं. मी यावेळी राजला एका फाइव्हस्टार हॉटेलमध्ये भेटले होतं. त्याआधी त्याचं आणि माझं जे बोलणं झालं होतं हे मी पोलिसांना सांगितलं. मी सांगितलं की, आमच्यात एक अग्रीमेंट झालं होतं आणि त्यानंतर आम्ही बरेच व्हिडीओ शूट केले. याशिवाय मला या शूटिंगच्या वेळी कोण- कोण उपस्थित होतं? तसेच व्हिडीओ शूट करण्यामध्ये किती लोकांचा सहभाग होता? आणि राज कुंद्राच्या हॉटशॉट्स आणि बॉलि फेम अॅपबद्दल विचारण्यात आलं.' या व्यतिरिक्त शर्लिन चोप्राला पोलिसांनी राज कुंद्रा तिच्या घरी किती वेळा आणि कोणत्या उद्देशानं आला होता याचीही चौकशी केली. शर्लिन म्हणाली, 'जेव्हा मी पॉर्नोग्राफीबद्दल बोलते तेव्हा मला ट्रोल केलं जातं. मी २०१२ साली प्ले बॉय मासिकासाठी शूट केलं होतं. अर्थात हे सत्य आहे की, बोल्ड व्हिडीओ शूटसाठी माझी पहिल्यापासूनच ना हरकत होती. पण जेव्हा लोक नियमांचं उल्लंघन करतात तेव्हा आपण त्यांना प्रश्न विचारायला हवेत. बेकादेशीर पॉर्नोग्राफी कोणीही सहन करणार नाही. तर जे लोक मला ट्रोल करत आहेत आणि मला विचार आहेत की, पॉर्नमध्ये चुकीचं काय आहे आम्ही सर्व पाहतो. तर त्यांना मी एकच सांगेन की, लक्षात ठेवा सरकारनं सर्व पॉर्न साइट्सवर बंदी घातली आहे. हा कायदा आहे आणि आपण हा तोडायला नको.' राज कुंद्रा मुलींची दिशाभूल करतो असा दावा शर्लिन चोप्रानं केला आहे. ती म्हणाली, 'मला वाटतं ज्या मुलींची दिशाभूल करण्यात आली आहे त्यांना भारतातील पॉर्नोग्राफीसंबंधीत कायदे माहीत नाहीत. जे नवे लोक कामाच्या शोधात येतात त्यांना वाटतं की, राज कुंद्रा सारखा माणूस जर हे करायला सांगत आहे तर ते चुकीचं नाही. त्यामुळे ते विश्वास ठेवतात आणि इथूनच सर्व सुरू होतं. मी सर्व पीडितांना विनंती करते की, तुम्ही समोर येऊन तुमच्यासोबत कशाप्रकारे अन्याय झाला आहे हे सांगा.'
from Marathi Bollywood News, Marathi Cinema News https://ift.tt/3Ak8gAs
