द्मुंबई: गेल्या काही दिवसांपासून '' या मालिकेची प्रचंड चर्चा सुरू आहे. या मालिकेत नुकताच संवेदनशील विषय मांडला गेला. 'आई होणं एवढ्यातच स्त्रीचं स्त्रीत्व आहे का' या विषयावर भाष्य करणारे तीन भाग होऊन गेले. त्यानंतर अरुंधती आणि अनिरुद्धचा घटस्फोट मालिकेत दाखवण्यात आलाय. हे सर्व एपिसोड्स प्रेक्षकांना प्रचंड आवडले. सोशल मीडियावर याची चर्चा होतेय. मालिकेत या आठवड्यात अरुंधती आणि अनिरुद्धचा घटस्फोट झाला आहे. आपल्या मुलांना, सासू-सासऱ्यांना आता सोडून जायचं ही भावना तिच्या मनाला अस्वस्थ करतेय. पण तरीही आपण मनानं कायम एकच असणार आहोत, एकत्र बांधलेले असणार आहोत, हा विश्वास ती कुटुंबियांना देते.घर सोडून जाताना अरुंधतीच्या डोळ्यात पाणी येणं सहाजिक होतं. पण हा सीन पाहाताना अनेक प्रेक्षकही रडले. असाच एक व्हिडिओ सोशल मीडियावर व्हायरल झाला आहे. एक आजी मालिका पाहाताना अरुंधतीला रडताना पाहून त्यांनाही अश्रृ अनावर झाल्याचं या व्हिडिओत पाहायवा मिळत आहे. या मालिकांमध्येही घटस्फोटांचे वारे 'बायको अशी हव्वी' या मालिकेत जमीन बळकावण्यासाठी विभासनं जान्हवीशी प्रेमाचं नाटक करून लग्न केलं होतं. पण हा स्वार्थी हेतू साध्य होणार नाही, हे समजल्यावर त्यांच्यात चांगलेच खटके उडू लागले आहेत. त्यामुळे विभासनं जान्हवीकडे घटस्फोटाची मागणी केली आहे. दीपा आणि कार्तिक या 'रंग माझा वेगळा' मधील जोडीचीही घटस्फोटाकडे वाटचाल होताना दिसतेय. कोर्टाच्या सांगण्यावरून दीपा कार्तिकच्या घरी राहत असली तरी ते घटस्फोट घेण्याच्या निर्णयावर ठाम असल्याचं दाखवलंय. 'सुंदरा मनामध्ये भरली'मध्येही अभिमन्यू आणि लतिकामध्ये वारंवार वेगवेगळ्या कारणांवरून भांडणं होत आहेत. लतिका सध्या तिच्या माहेरी राहत असल्याचं दिसतंय. सध्याच्या घडीला वास्तवातही घटस्फोटाचं प्रमाण वाढलेलं आहे. मालिकांमध्येही त्याचं प्रतिबिंब उमटलेलं दिसतं. घटस्फोटासारखा गंभीर विषय मालिकांमध्ये संवेदनशीलतेनं हाताळला जात असून त्यातील विविध कंगोरे प्रेक्षकांना दाखवले जातात, असं तज्ज्ञांचं मत आहे.
from Marathi Bollywood News, Marathi Cinema News https://ift.tt/3yqkF5v
