मुंबई : बॉलिवूडमधील ख्यातनाम निर्माता, दिग्दर्शक लवकरच 'बिग बॉस ओटीटी'चे सूत्रसंचालन करणार असल्याने तो सध्या चर्चेत आहे. करण त्याच्या राजेशाही जीवनशैलीसाठी ओळखला जातो. त्याच्याकडे अनेक महागड्या गाड्या आहेत. करणला गाड्यांचा शौक आहे, हे तर सर्वश्रुत आहे. अलिकडेच करणने ही अत्याधुनिक गाडी विकत घेतली. कंपनीच्या अधिकाऱ्यांनी सोशल मीडियावर करणचे नव्या गाडीसोबतचे फोटो शेअर केले आहेत. हे फोटो सोशल मीडियावर खूपच व्हायरल झाले आहेत. करणने फ्लोरेट सिल्व्हर रंगाची गाडी निवडली आहे. ऑडी ए ८ एल ही गाडी पेट्रोलवर चालते. तसेच ही गाडी ५.७ सेकंदांमध्ये ० किमी प्रति तास ते १०० किमी प्रतितास इतक्या वेगाने धावते. ऑडी इंडियाने त्यांच्या अधिकृत इन्स्टाग्राम हँडलवरून करणने गाडी घेतल्याची बातमी फोटोसह शेअर केली आहे. फोटो शेअर करताना लिहिले की, 'ऑडीचा अनुभव घेण्यासाठी सज्ज झालेल्या करण जोहर यांचे स्वागत.' या फोटोमध्ये करण त्याच्या नवीन गाडीसह दिसत आहे. त्याच्यासोबत ऑडी इंडियाचे भारतामधील प्रमुख बलबीर सिंग ढिल्लो दिसत आहेत. करणने खरेदी केलेल्या या गाडीमध्ये टर्बोचार्ज्ड व्ही ६ इंजन वापरले आहे. या इंजिनाची क्षमता ३.० लिटर आहे. इंधन बचत करण्यासाठी यामध्ये डायरेक्ट इंजेक्शन आणि माइल्ड हायब्रिट तंत्रज्ञान वापरले आहे. तर हे इंजिन ४० पीएसच्या क्षमतेने आणि ५०० एनएम का पीक टॉर्क आऊटपूट देते. तर याच्या गिअर बॉक्समध्ये ८ स्पीड टिपट्रॉनिक ऑटोमॅटिक पर्याय आहेत. करणच्या कामाबद्दल सांगायचे तर 'ऐ दि है मुश्किल' हा सिनेमा दिग्दर्शित केल्यानंतर पाच वर्षांनी तो पुन्हा एकदा दिग्दर्शन करत आहे. करण 'रॉकी और रानी की प्रेम कहानी' या सिनेमाचे दिग्दर्शन करणार आहे. या सिनेमामध्ये रणवीर सिंग, आलिय भट, जया बच्चन, धर्मेंद्र, शबाना आझमी हे कलाकार दिसणार आहेत. हा सिनेमा २०२२ मध्ये रिलीज होणार आहे. करण जोहरच्या आगामी सिनेमांमध्ये तख्त हा त्याचा महत्त्वाकांक्षी सिनेमा आहे. यामध्ये रणवीर सिंग, विकी कौशल, आलिया भट, करीना कपूर खान, अनिल कपूर, भूमी पेडणेकर आणि जान्हवी कपूर अशी तगडी स्टारकास्ट आहे.
from Marathi Bollywood News, Marathi Cinema News https://ift.tt/2TTZWbd
