मुंबई- , , , कोंकणा सेन शर्मा आणि राधिका मदान यांसारख्या दिग्गज कलाकारांचा सहभाग असलेल्या '' चित्रपटाचं मोशन पोस्टर नुकतंच प्रदर्शित करण्यात आलं आहे. प्रदर्शित होताच पोस्टरने प्रेक्षकांचं लक्ष वेधून घेतलं आहे. या आगळ्या वेगळ्या पोस्टरवर माणसांच्या चेहऱ्यांच्या जागी कुत्र्यांचे चेहरे लावण्यात आल्याने प्रेक्षकांमध्ये चित्रपटाबद्दल उत्सुकता निर्माण झाली आहे. या चित्रपटाचं दिग्दर्शन विशाल भारद्वाज आणि रेखा भारद्वाज यांचा मुलगा आसमान भारद्वाज करत आहे. आसमानचा दिग्दर्शक म्हणून पहिलाच चित्रपट आहे. चित्रपटाच्या पोस्टरवर अनेक कलाकारांना वेगवेगळ्या वेशात उभं करण्यात आलं आहे तर त्यांच्या चेहऱ्याच्या जागी वेगवेगळ्या जातींच्या कुत्र्यांचे चेहरे लावण्यात आले आहेत. चित्रपटाच्या पोस्टरवरून चित्रपट कोणत्या विषयाला अनुसरून आहे याचा अंदाज येत नसल्याने प्रेक्षकांमध्ये चित्रपटासाठी उत्सुकता पाहायला मिळत आहे. अर्जुन कपूर याने चित्रपटाचं पोस्टर सोशल मीडियावर शेअर करत लिहिलं, 'ते भुंकत नाहीत, ते गुरगुरत नाही... फक्त चावतात.' 'कुत्ते' चित्रपटाची कथा विशाल आणि आसमान यांनी लिहिली आहे. सध्या चित्रपटाच्या चित्रीकरणाची तयारी सुरू आहे. २०२१ च्या शेवटी या चित्रपटाच्या चित्रीकरणाला सुरुवात होणार आहे. आसमानने न्यूयॉर्कमधून चित्रपट बनविण्याचं शिक्षण घेतलं असून त्याने 'सात खून माफ', 'मटरू की बिजली का मंडोला' आणि 'पटाखा' चित्रपटासाठी सहाय्यक दिग्दर्शकाचं काम पाहिलं होतं.
from Marathi Bollywood News, Marathi Cinema News https://ift.tt/3j8CSzg
