मुंबई- मराठमोळी अभिनेत्री बऱ्याचदा सोशल मीडियावर चर्चेत असते. ती तिच्या आयुष्यातील खास क्षण चाहत्यांसोबत शेअर करत असते. यासोबतच हेमांगी तिची मतं बेधडकपणे तिच्या पोस्टमधून मांडत असते. हेमांगीच्या पोस्ट वाचून काही नेटकरी तिचं कौतुक करतात तर काही तिला ट्रोल करतात. बाई, बूब्स आणि ब्रा या विषयावर हेमांगीने केलेली पोस्ट प्रचंड गाजली होती. अशात नेटकऱ्यांना नेहमी एक प्रश्न पडतो की, हेमांगी बिनधास्तपणे पोस्ट करते पण तिच्या घरचे या पोस्ट वाचत नसतील का? चाहत्यांच्या या प्रश्नावर हेमांगीने आता उत्तर दिलं आहे. रक्षाबंधनानिमित्त हेमांगीने एक पोस्ट शेअर केली. ज्यात तिने ती कुणालाही घाबरत नसल्याचं म्हटलं. हेमांगीने लिहिलं, 'मी सोशल मीडियावर जे काही लिहिते, व्यक्त होते किंवा कुठलेही फोटो, व्हिडिओ शेअर करते. त्यावर लोकांची हमखास एक प्रतिक्रिया असते. तुझ्या घरचे सोशल मीडियावर नाहीयेत का? घरचे म्हणजे खासकरून घरातील पुरुष मंडळी. बाबा आणि भाऊ. हो आहेत की! बाबा होते पण आता ते नाहीयेत. माझा भाऊ आहे सोशल मीडियावर. तो सगळे पोस्ट पाहतो आणि वाचतो. त्यावर दादाची एकच प्रतिक्रिया असते. चांगलं असो किंवा वाईट मी आहे तुझ्यासोबत तुझं रक्षण करायला.' पुढे हेमांगी लिहिते, 'लहानपणी राखी पौर्णिमेच्या दिवशी औक्षण करून एक धागा बांधायचा आणि मोबदल्यात जे काही मिळायचं किंवा मिळवायचं गिफ्ट, पैसे पासून 'मी आहे तुझ्यासोबत' हे गिफ्ट आणि पैशापलीकडे गेलेलं नातं खूप भारी आहे आणि म्हणूनच मी नाही घाबरत. राखी पौर्णिमेच्या सर्वांना खूप खूप शुभेच्छा!' अशी पोस्ट करत हेमांगीने चाहत्यांना त्यांच्या प्रश्नाचं उत्तर दिलं आहे. हेमांगीच्या या पोस्टवर अनेक नेटकऱ्यांनी तिचं कौतुक केलं आहे.
from Marathi Bollywood News, Marathi Cinema News https://ift.tt/3moMJD7
