मुंबई : कपिल शर्माचा 'द शो' हा कार्यक्रम लवकरच पुन्हा टीव्हीवरून प्रसारित होणार आहे. हा कार्यक्रम २१ ऑगस्टपासून प्रेक्षकांना पाहता येणार असून चाहते त्याची आतुरतेने वाट बघत आहेत. कपिल शर्माचे 'कॉमिडी नाइट्स विथ कपिल' आणि 'द कपिल शर्मा शो' हे दोन्ही कार्यक्रम तुफान लोकप्रिय झाले होते. सर्वसामान्य प्रेक्षकच नाही तर अनेक सेलिब्रिटी, खेळाडू देखील या कार्यक्रमांचे चाहते आहेत. भारतीय क्रिकेट संघाचा कर्णधार याला देखील हा कार्यक्रम प्रचंड आवडतो. विराट कपिल शर्मा कार्यक्रमाचा इतका मोठा चाहता आहे की, हा कार्यक्रम पाहण्यासाठी त्याने ३ लाखांचा भुर्दंडही सोसला होता. काही वर्षांपूर्वी विराट या कार्यक्रमात सहभागी झाला होता, तेव्हा स्वतःहून त्याने हा किस्सा सांगितला होता. विमानतळावर बसून पाहिला कपिलाचा कार्यक्रम ज्यावेळी विराट या कार्यक्रमात सहभागी झाला होता, तेव्हा त्याने सांगितले, 'जेव्हा खेळून आम्ही विश्रांती घ्यायचो तेव्हा संघातील बहुतांश सर्व खेळाडू कपिल शर्मा शो आवडीने बघायचे. आम्ही सर्वजण श्रीलंकेच्या दौऱ्यावर गेलो होतो तेव्हा तिथल्या एका विमानतळावर बसलो होतो. निघायला वेळ असल्याने सगळेजण कंटाळलो होते. तेव्हा मी फोन काढला आणि त्यातील माझ्या भारतातील कार्डवर थ्री जी इंटरनेट सर्विस सुरू करून कपिलचा कार्यक्रम पाहत बसलो.' फोनचे बिल आले ३ लाख रुपये विराटने पुढे सांगितले, 'मी श्रीलंकेत होतो आणि एक तास इंटरनॅशनल रोमिंगमध्ये 'कॉमेडी नाइट्स विद कपिल' कार्यक्रम बघत होतो. तेव्हा माझ्या भावाचा फोन आला आणि त्याने मला विचारले की तू काय करत आहेस. त्याला मी सांगितले की आम्ही सर्वजण श्रीलंकेतील विमानतळावर बसून विमानाची वाट बघत आहोत. विमान येईपर्यंत मी 'कॉमेडी नाइट्स विद कपिल' कार्यक्रम बघत आहे. त्यानंतर मी जेव्हा घरी परत आलो. तेव्हा माझ्या मोबाइलचे बिल ३ लाख रुपये आले होते! अक्षय कुमार पहिल्या भागातील पाहुणा कपिल शर्माचा 'द कपिल शर्मा शो' चे नवीन पर्व २१ ऑगस्टपासून प्रसारित होणार आहे. या कार्यक्रमाच्या पहिल्या भागामध्ये अभिनेता अक्षय कुमार प्रमुख पाहुणा म्हणून सहभागी होणार आहे. अक्षय केवळ त्याच्या 'बेल बॉटम' या सिनेमाचे प्रमोशनच नाही तर कपिल शर्माच्या कार्यक्रमाचे ग्रँड ओपनिंगही करणार आहे. अक्षयकुमार याआधी अनेकवेळा कपिलच्या कार्यक्रमात सहभागी झाला आहे.
from Marathi Bollywood News, Marathi Cinema News https://ift.tt/37nVZhT
