मुंबई: बॉलिवूड अभिनेत्री आणि अभिनेता यांच्या दुसऱ्या मुलाच्या नावाची चर्चा सध्या सोशल मीडियावर होताना दिसत आहे. या दोघांनीही त्यांच्या दुसऱ्या मुलाचं नाव ठेवलं आहे असं बोललं जात आहे. अर्थात करिना किंवा सैफनं स्वतः याचा खुलासा केलेला नाही पण करिना कपूरचं पुस्तक 'प्रेग्नन्सी बायबल'मध्ये याचा खुलासा झाला आहे. करिनानं या पुस्तकाच्या अखेरच्या काही पानांवर दुसऱ्या मुलाच्या नावाचा उल्लेख केला आहे. पण आता दुसऱ्या मुलाच्या 'जहांगीर' या नावावरून करिनाला सोशल मीडियावर ट्रोल केलं जात आहे. करिना आणि सैफनं दुसऱ्या मुलाचं नाव मुघल बादशाह जहांगीर याच्या नावावरून ठेवल्याचं बोललं जात आहे. जेहचं संपूर्ण नाव जहांगीर अली खान असं आहे. पण नेटकऱ्यांना मात्र हे नाव अजिबात पसंतीस पडलेलं नाही आणि त्यांनी यावरून करिना आणि सैफला ट्रोल करण्यास सुरुवात केली आहे. काही युझर्सनी तर करिनाला तिनं आपल्या मुलाचं नाव औरंगजेब ठेवायला हवं असं म्हटलं आहे. औरंगजेब हा एक क्रूर मुघल शासक होता. भारतावर राज्य करणारा तो सहावा मुघल शासक होता. अनेक नेटकऱ्यांचं म्हणणं आहे की, जर करिना आणि सैफनं त्यांच्या दुसऱ्या मुलाचं नाव जहांगीर ठेवलं आहे तर आता तिसऱ्याचं नाव औरंगजेब किंवा मग बाबर ठेवावं. जेव्हा करिनानं दुसऱ्या मुलाला जन्म दिला होता तेव्हा औरंगजेब या नावावरून करिनाला खूप ट्रोल करण्यात आलं होतं. करिना आणि सैफला या आधी त्यांच्या पहिल्या मुलाच्या नावावरूनही ट्रोल केलं गेलं होतं. मुघल बादशाह अकबरचा मुलगा मोहम्मद सलीमचं नाव जहांगीर असं होतं. जहांगीर हा एक पारसी शब्द आहे. ज्याचा अर्थ संपूर्ण जगाचा राजा असा होतो. आता या नावावरून सोशल मीडियावर करिना आणि सैफला टीकेला सामोरं जावं लागतंय. दरम्यान करिनानं अद्याप आपल्या मुलाचा चेहरा कोणालाही दाखवलेला नाही.
from Marathi Bollywood News, Marathi Cinema News https://ift.tt/3lPlL7a
