मुंबई- टोकियो येथे झालेल्या २०२० सालच्या ऑलिम्पिक स्पर्धेत भालाफेक खेळात अतुलनीय कामगिरी करून भारताला सुवर्णपदक मिळवून देणारा सध्या सोशल मीडियावर प्रचंड चर्चेत आहे. चहू बाजूंनी नीरजवर कौतुकाचा आणि शुभेच्छांचा वर्षाव होत आहे. नीरजच्या आयुष्यावर आधारित चित्रपटाबद्दलही सोशल मीडियावर बरीच चर्चा रंगली आहे. त्यात नीरजच्या बायोपिकमध्ये लोकप्रिय बॉलिवूड अभिनेता मुख्य भूमिका साकारणार असल्याचीदेखील चर्चा होती. परंतु, या चर्चा केवळ अफवा असल्याचं अक्षयने म्हटलं आहे. याउलट अक्षयनेच अशी एक इच्छा बोलून दाखवली आहे जी फक्त नीरज पूर्ण करू शकतो असं अक्षयला वाटतंय. नीरजच्या बायोपिकमध्ये अक्षय काम करणार असल्याची अफवा चाहत्यांनीच सोशल मीडियावर पसरवल्याचं सांगत अक्षयने म्हटलं. यावर बोलताना अक्षय म्हणाला की, 'मी ते मीम्स पाहिलं ज्यात मी एक काठी नीरजने पकडलेल्या भाल्याप्रमाणे पकडली आहे. तो सीन 'सौगंध' चित्रपटातील आहे. लोकांनी तो फोटो व्हायरल करत लिहिलं की, मी तयारी सुरू केली आहे. मला तो फोटो पाहून हसायला आलं. असं काहीही नाहीये.' तर दुसरीकडे एका वेबसाइटला दिलेल्या मुलाखतीत अक्षयने त्याच्या मनातील इच्छा व्यक्त करत म्हटलं, 'मी तर म्हणेन की, नीरज चोप्रा खूप चांगला मुलगा आहे जर माझ्यावर बायोपिक बनली तर नीरज माझी भूमिका खूप चांगल्या पद्धतीने साकारू शकतो.' यापूर्वी २०१८ साली नीरजने दिलेल्या मुलाखतीत त्याने म्हटलं होतं की, जर त्याच्या आयुष्यावर कोणताही चित्रपट बनला तर अक्षय कुमार किंवा रणदीप हुड्डा यांपैकी एकाने त्याची भूमिका करावी. परंतु, आता नुकत्याच दिलेल्या मुलाखतीत नीरजने त्याची बायोपिक बनवायला नकार देत म्हटलं, 'माझ्यावर कोणताही चित्रपट बनवू नका. मी अजून खेळतोय आणि यापुढेही खेळत राहणार. माझा बराच प्रवास बाकी आहे. मी अजून खेळून भारतासाठी आणखी पदकं जिंकू इच्छित आहे. जोपर्यंत मी खेळतोय तोपर्यंत माझ्या बायोपिकसाठी तुम्हाला वाट पाहावी लागेल.'
from Marathi Bollywood News, Marathi Cinema News https://ift.tt/3CC1GqO
