मुंबई : एकता कपूरने तिच्या सोशल मीडिया अकाऊंटवर एक पोस्ट शेअर केली आहे. त्यामध्ये तिने तिचे दोन आवडते कलाकार आणि यांच्यासोबत लाईव्ह गप्पा मारल्या आहेत. राम कपूर आणि साक्षी तन्वर यांनी ‘बडे अच्छे लगते है’ या मालिकेने मालिका विश्वातील सर्व विक्रम मोडीत काढले होते. या दोघांची जोडी प्रेक्षकांना खूपच आवडली होती. त्यामुळे हा कार्यक्रम कायमच टीआरपीमध्ये पहिल्या क्रमांकावर होता. आता या मालिकेचे दुसरे पर्व लवकरच येणार आहे. परंतु या पर्वामध्ये एकताने तिच्या या आवडत्या जोडीला सहभागी करून घेतलेले नाही. ‘या कारणामुळे साक्षी आणि रामला मालिकेत घेतले नाही’ इन्स्टाग्रामवर केलेल्या लाईव्ह चॅटमध्ये एकताने राम आणि साक्षीला या मालिकेचा दुसरे पर्व येणार असल्याची माहिती दिली. त्याचवेळी तिने हेदेखील सांगितले राम आणि साक्षी हे अन्य प्रोजेक्टमध्ये व्यग्र आहेत. त्यामुळे त्यांना या पर्वासाठी विचारणे योग्य वाटले नाही. ‘बडे अच्छे लगते है’ च्या दुसऱ्या पर्वाबद्दल एकताने यावेळी सांगितले की, ही मालिका न पाहिलेली एक पिढी आहे. वयाच्या तिशीमध्ये एका मोठ्या शहरात एकट राहण्याचा अनुभव कसा असतो, याची माहिती त्यांना नाही. त्यांना या एकटेपणाची जाणीव व्हावी, या उद्देशाने ‘बडे अच्छे लगते है’ चे दुसरे पर्व आणले जात आहे. त्यामुळेच ती ही कथा पुन्हा एकदा सांगत आहे. ऑन एअर प्रोमो लवकरच दरम्यान, एकताने तिच्या बडे अच्छे लगते है च्या दुसऱ्या पर्वासाठी कोणत्या कलाकारांची निवड केली आहे, याची माहिती दिलेली नाही. तिने फक्त इतकेच सांगितले की या पर्वातील अभिनेत्री देखील साक्षीसारखी सुंदर आहे. मात्र अभिनेता मात्र रामसारखा अजिबात नाही. लवकरच या मालिकेचा प्रोमो रिलीज होणार आहे. नकुल मेहता आणि दिशा परमार हे दोघेजण राम आणि साक्षीने साकारलेल्या भूमिका करणार असल्याची माहिती सुत्रांनी दिली आहे. तसेच या कार्यक्रमाचा प्रोमो देखील चित्रीत झाला आहे. दिशाने दिली अशी प्रतिक्रियाकाही दिवसांपूर्वी दिशाला बडे अच्छे लगते है २ विषयी विचारले असता तिने याबाबत काही सांगण्यास नकार दिला. नकुल आणि दिशाने याआधी देखील एका मालिकेत काम केले होते. तेव्हापासून हे दोघेजण खूप छान मित्र आहेत. या दोघांना पुन्हा एकदा स्क्रीनवर पाहण्यासाठी त्यांचे चाहते उत्सुक आहेत.
from Marathi Bollywood News, Marathi Cinema News https://ift.tt/3ACBRW9
